India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 
 

LOK SABHA INTHLAN HUN TUR PUAN A NI TA

Dated Aizawl, the 5th March 2014

Chief Election Commission of India VS Sampath chuan vawiin khan 16th Lok Sabha inthlan hun tur New Delhi ah a puang. 16th Lok Sabha inthlan atana vote thlak hi ni 9 chhunga neih tur ani a, ni 7th April 2014 ah state 2 ah vote thlak hmasak ber ani anga, a hnuhnung ber chu ni 12th May 2014 ah a ni ang. India rama vote thlak zawng zawng te hi May ni 16 ah chhiar vek tur a ni.

Lok Sabha inthlan hi Mizoram ah chuan ni khat ah neih a ni anga, ni 9th April 2014 ah vote thlak a ni ang, hemi rual hian Bye election pawh neih nghal tur a ni. State Assemby inthlan hun tur pawh vawiin hian puan nghal a ni a, Andhra Pradesh ah chuan 2nd June 2014 ah inthlan neih tur ani a, Odisha ah 7th June 2014 leh Sikkim ah 21st May 2014 ah te inthlan hi neih tur ani.

Vote thlak ni tur:
1. 7th April 2014- State 2
2. 9th April 2014- State 5
3. 10th April 2014- State 14
4. 12th April 2014- State 3
5. 17th April 2014- State 13
6. 24th April 2014- State 12
7. 30th April 2014- State 9
8. 7th May 2014- State 7
9. 12th May 2014- State 3


Kumin Lok Sabha inthlan ah hian vote nei mi 81.4 crores an awm a, inthlan hnuhnung ber ai khan vote nei 10 crores in an tam zawk a ni. State tinah kumin Jan ni khan Roll Revision neih a ni a, final electoral roll pawh tarchhuah tawh a ni. Electoral roll a hming chuang leh harsatna nei te tan Election Commission of India chuan ruahmanna hran a siam a, 9th March 2014 hian ram chhunga state tinah Booth Level Officer ten electoral roll a hming chuang lote hming an ziak lut dawn a ni.

Inthlan puan anih rual hian Model Code of Conduct chu zawm nghal tura tih a ni a, inthlan laia political party te pawisa hman tam lutuk endikna turin Election Commission of India chuan ruahmanna tam tak a siam a, Expenditure Observer te bakah Flying Squad, Media Certification etc te a ruahman a ni.

Kumin Lok Sabha inthlan ah hian Electronic Voting Machine (EVM) hman tur a ni a. Supreme Court hriattirna angin None of the Above "NOTA" pawh options zingah telh a ni ang a, Photo Voters Slip pawh hman a ni ang. Chief Election Commissioner VS Sampath chuan Mizoram leh Nagaland State Assemby inthlan a hmanchhin ang VVPAT chu tunah hian 20,0000 a siamtu company te hnenah an order thu a sawi a, hei hi a tangkai thei ang bera hman tum ani a ti.




 

 

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau