India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 
 

INDIA PARLIAMENT A PRESIDENT OF INDIA THUSAWI

June 9, 2014

Member zahawm tak tak te u,


Lok Sabha 16-na-a Parliament inhnih thutkhawm hmasa bera thu ka sawi thei hi lawmawm ka ti. A hmasa berah chuan India khua leh tui zawng zawng, Lok Sabha inthlan kan neih zawh taka tel te hnenah khan chibai ka hlan e. Vawiin hi an ni vanga thleng kan ni tih i theih ngilh lo ang u. An tana hnathawh hi kan tih tur hmasa ber pawh a ni. Hetih rual hian Lok Sabha thar member te hnenah lawmpuina chibai ka hlan nghal che u. India khua leh tui ten an thlangtling che u a, tunah chuan an aiawh, an beiseina leh hmathlir te in ni. Vawiin a kalkhawm zawng zawngte hnenah hian ram leh hnam hmasawnna tura session te hi hman anih theih nan duhsakna ka hlan nghal bawk a che u.

Ralmuang takin inthlanpui kan nei zo a, inthlanpui buaipuitu Election Commission of India hnenah lawmthu ka sawi nghal a, India mipui ten inthlanpui an ngaihven avang khan democracy ala nung tih a lang chiang bawk. Kan hna te kan thawh hma hian inthlanpui buaipuitute zinga mi nunna chan chhungte chungah khan ka tawrhpui thu ka sawi hmasa duh bawk.


Lok Sabha Speaker thar chungah lawmpuina ka hlan e. Lok Sabha speaker atana tum 2 a zawnin hmeichhia thlantlin a nih hian kan khawtlangin hmeichhia chawisan kan duh zia a tilang chiang hle bawk.

Member zahawm tak tak te u,

Inthlanpui kan neih zawh tak kha Beseina nena inthlanpui kan neih a ni a, kum tam tak kan kalpui tawh tidanglamin, democracy dik tak a rawn pho chhuak. Vote thlak zawng zawng za ah 66.4 an awm leh kum 30 chhunga kalphung thlang danglama, Party pakhat sawrkarna siam a nih kha a ropui, vote thlak dan atanga thlir letin, hnambil, sakhuana leh awmna hmun avang ni lova, rorelna dik nena hmasawnna mipui ten kan duh zia a tarlang bawk.

Kan ram hian sawrkar chak tak leh hruaitu tha kan mamawh a. Kumin Republic Day-a ka thuchah ah khan 2014 ah hi chuan politics bawlhhlawh tak avanga kan ram tlu chhe mek siamthat ka beisei thu ka sawi a. Vawiin hian India khua leh tui ten, chu beiseina ti hlawhtling tur an thlang chhuak hi lawmawm ka ti. Khua leh tui te hian India chak zawk, inlaichinna tha zawk nei leh hmsawnna-a mi hruailut tu tur an thlangtlin a. Mipui vaibelchhe 125 duhthlanna leh beiseina chu ka sawrkar hian a ti hlawhtling dawn a ni.

Ka sawrkar hian mipui mamawh leh hmasawnna tur chu dik takin a thlen dawn a, chu ta tan chuan kan zavaia kan thawhho a ngai a, Democracy hi kan tih nung reng a ngai a, sawrkar inrelbawlna a kalphung tlem ber leh hnathawh tam ber chu ka sawrkar tih tum a ni a, hei tumna hian India mipuite chu a hruai dawn a ni.

Member zahawm tak tak te u,

Ka sawrkar hian kan ram chhunga miretheite chu a ngaipawimawh dawn. Retheihna hian sakhuana a nei lova, riltamna hian sakhaw zui bik a nei lova, manganna hian ramri a nei lo bawk. Kan kauva inghat hmasa ber chu India rama retheihna umbo hi a ni. Ka sawrkar hian retheihna tih tlem ringawt a tum dawn lova, retheihna nuaibo a tum zawk dawn a ni. Hei hi hre rengin hmasawnna hmasa ber tur chu miretheite ta a ni. He sawrkar hian nitin mamawh nei thei lote chu a a ngai pawimawh anga, an hmasawnna tur hian hna a thawk a ni.

Ei leh bar man sang chak lutuk hi ka sawrkar chuan a ngai mawh hle a, tihhniam thuai a nih theih nan hma a la dawn a ni. Ka sawrkar hian dan lova ram pawn leh ram chhunga pawisa chhekkhawl chu nasa takin a dang dawn a, Public Distribution System pawh siam that a ni bawk ang. Kumin fura mi zawng zawngin an kham khawp ei leh bar an neih theih nan tunah hian ruahmanna siam a ni tawh a ni.

Ram chhunga mipui hmun thuma thena hmun hnih te thintlanga an cheng chuang hian an mamawh pawh kan pe vek thei lova, hei vang hian tualto rorelna Pachayati Raj chu tih changtlun a ni ang a, hei mi hmang hian India rama thintlang te chu chei that a ni dawn.

Lo neih hi mitam zawkte eizawnna a ni chung hian kan lo neitute hian harsatna hrang hrang an tawk a, an khawsak phung a hrehawm avangin ni telin mahni inthat te pawh an awm a ni. Hei hi ka sawrkar chuan a ti danglam dawn a, hei vang hian mimal leh sawrkar in agriculture ah investment an neih theih nan hmalak mek a ni a, tunlai thiamna changkang tak tak te pawh hman a ni ang.Hei bakah hian ka sawrkar chuan National Land Use Policy a duang dawn a, hei hi loneitute hmasawnna tur a ruahman a ni.

Ka sawrkar hian tui pawimawh zia a hria a, hei vang hian leilet siam,ruah tui khawlkhawm, tui thianghlim intur leh kan rama luite hman tangkai dan tur a ngaihtuah mek bawk.

India hi khawvela ram leh hnam upa ber a ni a, tunah hian thalai tamna ber ram a ni a, kan thalaite hmasawnna tur hi kan kawhhmuh a ngai a, hei vang hian ka sawrkar chuan Youth Development ni thin kha Youth Led Development ruahmanna ah a thlang dawn a ni. He ruahmanna hnuiah hian a hmua kal thei loten internet hmangin lehkha an zir a, National Education Policy siam tum a din a, hei bakah hian state tinah IIT leh IIM dah a ni dawn bawk a, thalaiten eizawnna tlak thiamthil an neih theihna turin hun rei lote ah National Multi Skill Mission din a ni dawn bawk.

Thalaiten infiamna khawvel ah hma an sawn theihna turin National Sports Talent Search System

din a ni dawn bawk a, hriselna ngai pawimawh in ruahmnanna hmasa te ang lovin sawrkar chuan New Health Policy a din dawn a, tunah hian National health Assurance Mission kalpui tan tawh a ni a, hei hi Yoga leh Ayush hmasawnna tur atana duan a ni a, AIIMS damdawi in ang pawh state tinah din tum a ni bawk.

Hnam hnuaihung zawk Scheduled Castes, Scheduled Tribes, Other Backward Classes leh hnam hnufual dangte hmasawnna turin ruahmanna hrang hrang siam mek a ni a, hun rei lo te ah Natioanal Madarsa Modernization Programme pawh din a ni dawn, hei bakah hian hmeichhia ten kan ram inrelbawlna ah hmun an neih theih nan Parliament leh State Legislative Assembly a reservation an neih theih nan theihtawpin hma a la dawn a, Hmeichhe te chunga tharum thawha hmaisa thin te chu an chungah sawrkar hian na takin a hrem dawn a ni.

Member zahawm tak tak te u,

India ram hi state hrang hrang inzawmkhawm atanga din a, hnathawh a ni a, kum tam tak chung he kalphung hi hmansual a ni thin a, hei vang hian sawrkar chuan nasa takin hma ala dawn a, state sawrkar te harsatna chu a ngaihven dawn a ni. Sawrkar laipui leh state sawrkar ten thawhhona tha an neih theih nan Cooperative Federalism pawh rang taka kalpui a ni dawn.

Ka sawrkar hian rorelna tha leh thianghlim hi a ngai pawimawh a, hei vnag hian Lok Pal chu eirukna chhui turin a tangkai dawn tih a hria. Hei bakah hian sawrakr hnathawk te nen inrin tawnna an neih theih nan hma lak a ni dawn bawk a ni. Tunlai thiamna hmangin E-governance pawh kalpui a ni dawn a, hei hian langtlang sawrkar a siam thei dawn a, kan ram hi Digital India ah siam a ni fawn bawk a, hetah hian thlalai ten an ngaihven thin Social Media pawh tangkai taka hman tum a ni bawk. Ka sawrkar hian mitin ten an chanvo anga dan hnuaiah rorelna neih an neih hi angai pawimawh a, hei vang hian rorelna in a thubuai tang rei thei lutuk te pawh rang zawka kalpui hi a tum a, tunah hian Alternate Dispute Resolution pawh ngaih pawimawh a ni ang.


Kum 2 kalta atang khan kan ram sum pai dinhmun nasa takin a tlahniam a, kum hnih kalta khan GDP thanna pawh za ah 5 chauh a ni. Hun rei tak chhung chhiah lak a ni lova, chutih rualin ei leh bar man a sang zel bawk a, ka sawrkar hian kan ram economy tlahniam tawh hi a khai ding leh dawn a ni. Mi tam takin eizawnna an neih theihna turin manufacturing sector lamah mihring tam zawk chhawr theihna turin ruahmanna siam a ni dawn a, ka sawrkar hian Employment Exchange ni thin chu Career Centre ah a thlak dawn ani. Kan ram leh a chhunga cheng mipuite hi khawvel hriattham a kan phochuah a ngai a, World Class investment siam tum mek a ni bawk. Kan sawrkar hian khawpui 100 ah mirethei chenna in nei lo te tan chenna in a siam sak dawn a, hei hian tui intur leh kawlpetha a pe dawn a, hei hi kan ram zalenna tum 75 ah hmuh hman beisei a ni.


Member zahawm tak tak te u,

Ka sawrkar hian hmasawnna chak taka kalpui a tum lai hian ruahmanna mumal neih a tum a, hmasawnna avanga ram leilung tihchhiat hi a tum lo a ni. Ganga lui thenfai, tuialthei thianghlim zawk leh kawlpetha siamchhuahna tura ram leilung a chhiat loh nan hmalak a tum bawk a ni. Kan hriat theuh angin kan ram hian khualzin te nasa takin a hip a, hei hi sawrkar chuan a ngaipawimawh dawn bawk a, state hrang hrangah chak zawka hmalak a tum bawk a ni. Indian Armed Forces te pawh duat taka enkawl an ni dawn a, hei bakah hian SAARC ram te bakah kan thenawm ramte leh India thiantha ram te nen inlaichinna tha kan neih theih nan hmalak a ni dawn bawk.


Khawvel ram hrang hrangah India mipui te kan awm a, kan awmna apiangah India hming a tha thin a, hei hi kan chhuan ber a ni fo. Ram pawnna cheng India mi te hian an kalna apianga India mawina an pho chhuak a, kum 100 kalta khan inlaichinna tha zawk kan neih theih nan Pracasi Bharatiya Mahatma Gandhi chu neih a ni a, kumin ah pawh hian he ni hi kan hmang chhunzawm zek dawn a ni.


A tawpna ah hian India mipui te hnenah hian beiseina thar pe in la. Hmasawn India hmun an beisei hi i pe ang u, tichuan Democracy in a kalpui tam tak te pawh kan ti hlawhtling thei anga, tun atanga thla 60 hnuah kan hnathawh tha te kan chhuan theihna turin.



Jai Hind
 

 

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau