India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 
 

RAIL BUDGET PHARH A NI, RAILWAY SIAM THAT TUM A NI
RAIL CHUANMAN SAN A NI LO
AHMEDABAD LEH MUMBAI INKARAH REL CHAK CHI, BULLET TRAIN TLAN TIR A NI DAWN
REL THAR 58 HMAN A NI DAWN
MIPUI HIMNA TURIN 65,445 CRORE DAH HRAN A NI
 

New Delhi, July 08, 2014
Ashadha 17, 1936

Vawiin khan Railway Minister Pu DV Sadananda Gowda chuan Parliament ah Railway Budget a pharh a.Passenger te hlawkpui tur, vanduaina lo thlen palha an in ven dan tur bakah project a hun tam taka siam zawh leh tangkai zawka sum hman dan turte chu he Budget thara lang sar zual te an ni.

Railway Budget tharah kum hmasa lama Indian Railway than theih lohna, in enkawl dan dik lo leh sum hman dan dik loh te chu siam that tum a ani a. Hei vang hian PSU, FDI leh PPP te hmangin Indian railway hi siam that ani dawn tih Minister chuan a sawi.

Budget ah hian passenger te himna tur leh nuam zawka an zin theihna turin ruahmanna thar siam tura tih a ni a. India rama rel tlan mek te chu thianghlim zawk leh rel station te pawh changkang zawka siam tum a ni a. Rel station lian zawk ah te chuan foot-over, bridge,escalator, lift etc te pawh dah tura ruahman a ni.

Rel him zawk neih anih theih nan he Budget ah hian tunlai khawl tha leh changkang te chu hman tum a ni a, rel chetsual chhan chhuina tur leh kawng thar leh tha a awm theih nan ruahmanna siam tum a ni. Hmeichhe passenger te an himna turin Railway chuan hmeichhe constable 4000 a la dawn bawk a, heng te hian hmeichhe passenger te chu an awmna hmun turah an dah thlap zel ang.

Information Technology pawh changtlung zawka hman tum a ni a. Railway Reservation System chu Next Generation e-Ticketing enkawlnaah dah a ni ang a, rel tan chhuina tur leh a chuangte mobile ah theuh Wake Up Call System te pawh dah tum a ni. Hei bakah hian A-1 leh A category a chuangte tan Wi Fi Service dah tum a ni bawk. Kum 5 chhungin Indian Railway office zawng zawng te chu IT hmanga thuam that, paperless office ah siam tum a ni.

A enkawltute tun hma aia an changtlun zawkna turin he Budget ah hian Railway University din tumna chu tar chhuah thar a ni bawk a, technical leh non-technical subject siamin hengte hi thalai lehkhathiam te tana ruahman tur a ni. India Railway network, tih changtlunna turin Mumbai-Ahmedabad inkar ah Bullet train tlan tir a ni dawn a, heng train te hi 160-200kmph in sector 9 ah tlan a ni dawn a ni. Hei bakah hian khawpui liana tlan turin Diamond Quadrilateral Network of High Speed Rail din tum a ni bawk a, ni zung chakna "Solar Energy" bakah tunlai airport cheina angin PPP model hman tum a ni bawk a, passenger te tan ei tur thianghlim leh hrisel te pawh PPP model a kalpui tum a ni.

Kum 2014-2015 Railway Budget ah hian rel thar 58 siam tum a ni a, rel tlan lai mek 11 te pawh chei that an ni ang. Tunah hian zirchianna tum 28 neih zawh tawh a ni a, kawng thar siam tum a ni a. Hmarchhak state te tan a bikin sumpai tam zawk pawh dah a ni dawn a, Swami Vivekananda a nun zirchianna khual zin tan a bikin tourist train siam tum a ni bawk.

Railway Budget-a chhut lawk dan chuan kumin 2014-15 chhung hian Railway chuan cheng vbch 1,64,374 a lalut dawn a, heng zinga vbch 1,49,176 chu hman chhuah ani anga kum kalta aiin za ah 1 a hlawk rin a ni.



 

 

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau