India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 
 

MSME AVANGIN RAM CHHUNGAH EIZAWNNA NUAI 20 SIAM A NI

Dated Aizawl, the 31st January 2014.

Ministry of Micro, Small and Medium Enterprises (MSME) hnuaia din Prime Ministerís Employment Generation Programme (PMEGP) hmangin ramchhungah eizawnna mi nuai 20 te hnenah siam sak a ni tawh. Kum 2008-09 chhung khan he scheme atan hian cheng vbch 5381.63 chu hman tura ruahman a ni a, tunah hian project nuai 2.33 kalpui mek a ni.

Kum tinin sawrkar chuan state hrang hrangah PMEGP hi a kalpui a, sawrkar kum kan hman mek 2013-14 ah hian Rs 1418.28 crore chu hman turin a ruahmana, nasa zawka hmalak anih theih nan hian 12th Five Year Plan chhungin Rs 8060 chu he scheme atana hman tur hian bithliah a ni.

PMEGP hi subsidy programme a ni a, mahni a eizawnna insiam chawp thalai lehkhathiam te dinchhuahna tura sawrkar ruahman a ni. He scheme ram pumah KVIC ten an enkawl a ni. Chak zawka hmalak anih theih nan district tinah Advisory Committee din a ni a, state sawrkar, bank leh KVIC tangkawp ten he committee hi an khaikhawm thin a ni.

Sawrkar laipui chuan kumin chhung hian district tinah project 100 tal kalpui turin KVIC te alo hriattir tawh bawk a ni.

He project PMEGP hnuiah hian manufacturing sector Rs 25 aia to nei leh service sector Rs 10 lakh leh a chunglam nei te chuan tanpuina hi an dawng thei a. He tanpuina sumpai hi margin money subsidy anga kalpui niin thintlangah chuan za a 25 pek a nih laiin khawpui ah chuan za a 15 pek tura tih a ni; ST/SC, OBC, Minority, hmeichhia, rualbanlo leh hmarchhak mite tan a bika ruahmanna siam a ni bawk a, kum 18 chunglam ten he tanpuina hi an dil thei reng a ni.
 

 

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau