India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 
 

UNION HOME MINISTER PRESS MEET
 

10 January 2014


Nikum December khan sawrkar laipuiin Border Area Development Programme (BADP) kaltlangin Mizoram tan cheng vbch 4 leh nuai 5 a pe.

Union Home Minister Sushil Kumar Shinde chuan vawiin khan he thu hi New Delhi ah thuthar lakhawmtute hnenah a sawi a, ramri hrula awm khua te hmasawnna tura ruahman Border Area Development Programme sum hi Mizoram bakah Nagaland hnenah cheng vbch 12 leh nuai 5 pek anih thu a sawi bawk a ni. Ministry of Home Affairs chuan December ni 26 khan Mizoram, Manipur leh Rajasthan a Model Police Station sakna turin cheng vbch 3 theuh a pe tel tih Home Minister hian a sawi a ni.

Thuthar lakhawmtute zawhna chhangin Union Home Minister chuan India mafia Ibrahim Dawood chu sawrkarin a awmna a hriat thu a sawi a, hun rei lo teah India ah hruai luh ani dawn ani a ti.

CPI (Maoist) Party hotu leh an thupuangtu thin Venkata Krishna Prasad chu tukin khan Andhra Pradesh Police te hmaah a inpek thu Union Home Minister hian a sawi a, Moaist hel hotu dangte pawh sawrkar hmaa inpe duh an awm chuan sawrkarin a pawm reng thu a sawi a. Heng mite hi sawrkar chuan a chhawmdawl dawn ani a ti. Sushil Kumar Shinde chuan Andra Pradesh a Moaist hel te dona turin sawrkar laipui chuan nikum December khan cheng nuai 153 leh sing 4 a pe bawk a ni a ti.

New Delhi a thuthar lakhawmtute a kawmna ah hian Union Home Minister Sushil Kumar Shinde chuan kum kalta December ni 11 khan Bangalore ah sum fai vbch 1 leh maktaduai 14 man anih thu a sawi a, heng sum man te hi Manipur a hel pawl pakhat nen inthlunzawmna an neih avangin a neitu nia in sawi nen hren ala ni hrih ani a ti. Manipur chungchang sawiin Sushil Kumar Shinde chuan Unlawful Activities (Prevention) Act, 1967 hnuaiah December ni 12 khan Meiti Extremist Organization chu Delhi High Court in "Unlawful Associations" hnuaiah a telh thu a sawi a ni.

National Polpulation Register hnuaiah mi vbch 117.8 chu ziahluh an ni tawh a, Union Home Minister chuan UIDAI (Unique Indentification Authority of India) hmangin mi vbch 21.68 te chuan biometric number an neih tawh thu leh January thla hian mi vbch 1.08 telh an ni dawn ani a ti.

 

 

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau