India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 
 

 INTERIM BUDGET PHARH A NI

Dated Aizawl, the 18th February 2014

Union Finance Minister P.Chidambaram chuan vawiin khan UPA sawrkar hmalakna avanga hmasawnna leh ruahmanna thar te a phochhuak a, India hmasawnna tura sawrkar hmalakna tur peng 10 a tarlang a ni. Fiscal Deficit chu GDP ah 4.1 percent a dah ani ang a, defence ministry hnuaia thawk te tan rank khat ah pension pakhat a awm tawh dawn tihte chu Interim Budget pharh zinga thil pawimawh te a ni.

Budget pharh naah hian Union Finance Minister chuan sawrkar kum kal lai 2013-2014 chhunga sawrkar ruahmanna te leh thuthlukna tur te a tarlang a, tun dinhmun ah chuan chini man tih danglam ani lova, zawi muangin diesel man ennawn a ni zek ang a, bank lisence lak nan leh rail chuan man te chuan tih san a ni hrih lo bawk. Hei bakah hian DISCOMS chu Minister in ennawn ani ang a ti.

P.Chidambaram chuan kum 2 kalta ai khan kan ram economy chuan ziaawm lam a pan thu a sawi a, fiscal deficit tla chhe mek te chuan ziahawm lam a pan tawh thu a sawi a, thil man sang 'inflation' pawh a ziahawm tawh thu leh ram pawna thawnchhuah te chu a pung tih a sawi lang bawk a ni.

Cabinet Committee on Investment (CCI) leh Project Monitoring Group te chu din a ni a, an hmalakna avangin kumin January thla tawp khan project 296 chu Rs 660,000 crore senga zawhfel ani a ti.

P.Chidambaram chuan kum 2013-14 first quarter ah hian GDP chu a sang chho a, hun lo kal tur thlengin za ah 5.2-a a san beisei ani ati a. UPA sawrkar kum 10 chhung hian kan ram chu nasa takin a thang tih a sawi lang bawk.

Interim Budget ah hian kum 2014-15 chhunga hman tur plan expenditure ah Rs 555,322 crore dah a ni a, hei hi nikum nen a in ang a, tin non-plan expenditure ah Rs 12,07,892 crore dah a ni bawk a ni.

Finance Minister P.Chidambaram chuan kum 10 chhunga sector hrang hrang hmasawnna te chu a tarlang a. India ram chuan buhfai, wheat leh buh tun tonne million 263 a thar chhuak a, hei hi kum 10 kalta ai chuan nasa takin a pung a ni. Heng tiang ang bawk hian lungalhthei laichhuah kawngah te, kawlpetha siamchhuahna ah te leh kawngpui tha siam nan hmasawnna kawng zawh zel a ni a, sawrkar laipui chuan zirna atan Rs 79,451crore a hmang bawk a ni. Hetiang ang bawkin Health Sector atan Rs 36,322 crore a hmang a, kum 10 kalta kha chuan Rs 7248 crore a hmang a ni. National Investment anf Manufacturing Zones (NIMZ) 8 siam tura ruahman mek a ni a, NIMZ 5 dang tunah siam tum leh mek a ni bawk.

Kumin Budget ah hian 'one rank one pension' system Defence force te tana siam tura chhawhchhuah a ni a, heta tan hian Rs 500 crore dah ani dawn bawk a ni. Loneitute tan Argiculture Credit chu Rs 800,000 crore ah tih san ani a, hei hian loneituten sum avanga harsatna an neih te a tih ziawm beisei ani. Hmarchhak state, Himachal Pradesh leh Uttrakhand tan a bika tanpuina Additional Central Assistance Rs 1200 crore dah ani bawk a, Scheduled Caste te hmasawnna turin Venture Capital Fund Rs 200 crores dah tel a ni. ICDS district 400 danga siam na turin a hrana sum dah ani a, thalaite eizawnna kawhhmuh tura din National Skill Development Cooperation atan Rs 1000 crore dah a ni bawk a ni.

Kumin Budget ah hian automobile industry te tana lawmna turin car te- small cars, motor cycle, scooter leh commercial vehicle a sawrkarin chhiah a lak te chu za ah 4 a tih tlem a ni a, man tlawm zawkin mipuiten an lei thei tawh dawn. Ramchhunga siamchhuah mobile phone a hlawk zawkna turin ram pawn atanga lakluh ah te chuan chhiah sang zawk lak ani tawh dawn bawk a ni. Sawrkar chuan Direct Taxes Code (DTC) chu a peihfel tawh a, tunah hian vantlang sawiho tura dah mek niin hei hi hun rei lo te ah hman theih ani dawn a ni.

 

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau