India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 
 

PRIME MINISTER IN 68TH INDEPENDENCE DAY PUALA RED FORT KULH-A THU A SAWI
"RAM NIHPHUNG SIAM BUL TANNA HUN"
 

Dated Aizawl, the 15th August 2014

Hma thar lakna tur tarlan langsar zual:

  • Pradhan mantri Jan-Dhan Yojana, Miretheite tana Bank account leh debit card a thlawna pekna tur leh insuarance cheng nuai 1 tih sakna tur
  • Digital Infrastructure India hmasawnna tura ngaih pawimawh hmasa
  • Swachh Bharat hmalakna October ni 2 atanga tan tur
  • Kum khat chhungin School zawng zawngah inthiarna siam vek
  • Saansad Adarsh Gram Yojana kalpui a ni ang
  • Planning Commission thlaktu tur Institution thar

Prime Minister, Shri Narendra Modi, chuan vawiin khan Indpendence day thuchah sawiin, ram mipuite chu kalphung hran nei India din puiah a sawm a. Independence day vawi 68-na puala Red Ford Kulh atanga ram mipuite hnena thuchah a sawiah tun hi mitin tan mahni inenletna hun, mimal tin ten ka thil tih hi rampum tana tha ber tur a ni em tih an inbihletna hun a ni a ti a. Kan hmalakna zawng zawng hi ram tana tha ber tur zel nise, tiin Prime Minsiter chuan mipuite a sawm a ni.

Independence day puala mipuite chibai bukin Shri Narendra Modi chuan Prime Minister ang nilovin, chhiah hlawh pawimawh "Pradhan Sewak" angin an hmaah a ding tih a sawi.

Prime Minister Narendra Modi chuan mipui nawlpuite chawikanna tura hma thar lakna tur a puang nual a, thalaite theihna leh thiamna phochhuah sak a nih tur thu a sawi a. Mi zawng zawngin Bank an hman tangkai theihna turin ruahmanna thar, Pradhanmantri Jan-Dhan Yojana chu kalpui anih tur thu puangin he scheme hnuaiah hian mirtheite chu a thlawnin bank account leh debit card te pek vek an ni dawn a. cheng nuai 1 in Insuarance tihsak an ni dawn bawk.

Ram pum huapa thiamna chher hriamna "Skill India" kalpui a ni ang a, he hmalakna hnuaiah hian chhawr tlak thiamna nei turin inzirtirna beihpui thlak a ni ang.

Prime Minister hian hma thlir pakhat, 'India ramah lo kal rawh u' tih chu a puang chhuak bawk a, Khawvel puma thil siamchhuaktute chu India rama rawn in bun tur leh thil siamchhuahna lama India in hma a sawn theihna tura tanpui turin a sawm a. India thalaite chu sumdawn an thiamna phochhuak a, thil siamna lama India in hma a sawn theihna tura tan la thar turin a sawm a. Ram pawn lam thil chawk luh a tlem theihna tura ram chhung ngeia siamchhuak tur leh India ram siam, 'Made In India' tih chu 'A tha ber' tih thumal nena thu inang chiah nih tir tum turin a fuih a ni.

Mipuite chawikanna turin Digital lama hmasawnna a pawimawh thu pawh a sawi a, Shri Narendra Modi chuan a kaihhruai Sorkar chu chuan Digital India siam turin tan a la dawn tih a sawi a, hei hian mipuite hnenah an hriattur pawimawhte awmze nei zawk leh rang zawkin a hriattir thin dawn a ni a ti.

Faina lama hmasawn a tul thu sawiin Prime Minister chuan "Swachh Bharat" tih hma thlir a nei tih a sawi a, hei hi Mahatma Gandhi pianchampha vawi 150 na October ni 2 atanga tanin 2019 ah zawhfel a ni ang a. Hemi tihhlawhtling tura hmalak nghalna turin School zawng zawngah kumkhat chhungin mipa leh hmeichhia inthiarna a hranga siam vek a nih tur thu a puang a ni.

Prime Minister chuan hma thar lakna tur Saansad Adarsh Gram Yojana pawh a puang nghal a, he ruahmanna hnuaiah hian MP tinte chu an bial chhunga khaw pakhat theuh, 2016 ral hmaa model village -a siam turin a sawm a. Ruahmanna kimchang chu October ni 11, Shri Jayaprakash Narayan pian chamah puan a nih tur thu a sawi.

Shri Narendra Modi chuan Planning Commission thlaktu tur Institution thar din a nih tur thu a sawi a. He institution thar hian India chu State hrang hrang inzawmkhawm siam a nihna, federal structure a dah pawimawh dawn a ni a ti.

Parliament Member zawng zawngte chungah lawmthu sawiin, Eptu party mi leh sa te pawh Parliament Session hlawk tak neih zawh a nih tak chungchangah lawmthu a hrilh a, Prime Minister chuan a kaihhruai Sorkar chuan inlungrualna tha tak hnuaia hmalam pana kal a duh tih a sawi.

Prime Minister anih hnua Sorkar laipuia a tha zawnga thil inthlak thleng chho mekte Chanchinthara puanchhuah a ni chuan a rilru a ti nuam chiah lo tih sawiin, Sorkar hnathawkte chuan an hna fimkhur tak leh dik taka an thawh hi an tih tur pangngai ve reng a ni chauh a, hetianga an tih tur reng an tihte Chanchinthar a tling ta mai hian kan mawhphurhna leh kan hna kan thawhna kawnga kan lo tlak hniam tawh zia a ti lang a ni a ti. Prime Minister chuan mipuite chu mahni hmasialna rilru leh mahi sahmim puarna tur chauh ngaihtuahna thinlung dah bo turin a sawm a ni.

Prime Minister chuan Office a luah tirh-a Sorkar Deptt hrang hrang inkara inzawmna mumal awmlo leh inlungrualna awm lo chuan a ti lung ni lo hle tih pawh a sawi a. He thil hi chinfel a nih tur thu sawiin, Sorkar chu thil chi hrang hrang inzawmkhawm satliah nilovin hlawm khat a ni tih lantir a tum thu a sawi. Prime Minister chuan hmasawnna leh Sorkar tha chauh chu India ram hmasawnna lamtluanga hruai theitu a ni a ti bawk.

India rama pawngsual pung chho mek chu a ngaihmawh thu pawh Prime Minister chuan a sawi a. Nu leh pa ten an Fanu te zawhna tam tak an zawh thin ang bawka an fapa te thil tih leh an chin hre chiang tura zawhna zawt tam ve turin a chah a. Pawngsualtu tu pawh hi tute emaw fapa an ni vek a ni a ti. Hetih rual hian thalai kawng dikloa kaihhruai mekte, firfiaka chetna kawng zawh mekte chu tharum thawhna bansan a, nunphung pangngai zawh turin a ngen a ni

Prime Minister chuan Shri Aurobindo leh Swami Vivekananda te'n India ram hruai an tumna, "Jagatguru" chu a taka a puitlin theihna tura tan la thar theuh turin mi zawng zawng a sawm a ni.
*****

PIB/Aizawl/Mizo 15.08.2014

 

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau