Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 
 

PRESS INFORMATION BUREAU
GOVERNMENT OF INDIA
**

Dated Aizawl, the 2nd March, 2005

INFIAMMI 250 CHUANGIN CHAWIMAWINA AN DAWNG

Union Minister for Sports & Youth Affiars, Pu Sunil Dutt-a chuan vawiin khan nikum chhunga infiammi khawvel huapa chawimawina lo dawng tawh te hnenah a bik taka lawmman buatsaihsaka chu a hlan.

Hei hi infiammi lo chawr chhuak leh zel turte fuih leh chawh thawhna atana tih a nih bakah infiamna huang chhunga thalai zawkte a tam thei ang ber hipkhawm beiseina a ni a. Khawvel huapa intihsiakna hrang hrang atana an inpuahchahna, ei leh in, insawizawi leh a dangte a chhawmdawlna tura heng lawmmante hi duanchhuah a ni bawk a ni.

‘Special Awards’ tia thliae ah hian Rs 30,000/- atanga Rs nuai 30 thleng dawn theih a ni a. Kumin hian infiammi 257 hnenah sem a ni a, a pumpuiah Rs 3,83,84,993/- semral niin Rs nuai 23 chu mimalin a dawn hnem ber a ni. Infiamna chi hrang 17, Athletics, Archery, Billiards & Snooker, Boxing, Chess, Gymnastics, Hockey, Kabaddi, Judo,Rowing, Shooting, Squash, Table Tennis, Tennis, Weightlifting, Wrestling leh Yatching a India infiammi tha chungchuangte chu he chawimawina hi pek an ni.

Kum 1986 athang khan a bultanna atan Infiammi tha chungchuang leh an coach te chuan he lawmman hi an lo dawng tawh a, kum 2004 khan ‘Rajiv Gandhi Khel Ratna Award’ leh ‘Special Awards to Medals Winners in International Sports Events and their Coaches’ te chu he chawimawina huang chhungah hian behbawmtir a ni a, infiammi 2258 leh an coach te hnenah chawimawina hlan a lo ni tawh a, kumina lawmman dawngtute nen a vaiin mi 2515 an ni ta a ni.

1.3.05
 

    No. A-4/17/04-Pub/AZL               02032005                          1230hrs           

 

This site is designed and hosted by National Informatics Centre, Mizoram State Unit
Information is provided and updated by : Press Information Bureau