India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 
 

24-September-2012

COMPUTER FORENSIC LABORATORY DIN CHUNGCHANG SAWIHO

India hmarchhak huamchhunga Computer Forensic Laboratory din leh a zirna chungchang ngaihtuahin September 22, 2012 (Inrinni) khan Project Review & Steering Group meeting vawithumna chu NIELIT (DOEACC), Zuangtui, Aizawlah neih a ni.

He meeting, Prof. Sukumar Nandi, IIT Guwahati kaihhruaiah hian TP Singh, Director, NIELIT Aizawl chuan he project chungchanga technical leh financial presentation pein project hnuaia hmalak tawhna hrang hrang a tarlang.

He project hnuaia hmalakna tarlanah chuan Imphal, Kohima leh Aizawl-ah te Cyber Forensic Laboratory din a ni tawh a; heng hmunah te hian police officer-te training pek an ni tawh bawk. Heng state pathumah te hian NIELIT hnuaiah cyber crime chhuina neih a ni a, zirlaite tan cyber forensic-ah hian short term courses kalpui a ni a, awareness programme pawh huaihawt a ni.

Kohima Centre chuan police officer 200 training a pe tawh a, Aizawl Centre pawhin police officer 100 hnenah training hi pe tawhin cyber crime chungchangah Mizoram police department hi kawng hrang hrangin a lo pui tawh a. Tuna hriat theih chinah NIELIT Aizawl hian computer forensic lab atangin cyber crime nena inhnamhnawih mobile handset 39 leh laptop hard disk 5 an chhui tawh a. Tun hnaia mi pahnih bo chungchangah pawh computer forensic lab hi hman tangkai a ni bawk.

He meeting-ah hian hmarchhak state Assam, Manipur, Nagaland, Mizoram leh sawrkar laipui atanga palaite an tel a, Mizoram atangin Lalthangpui Pulamte, SDPO Aizawl North a tel bawk.

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau