India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 
 

03-October-2012

 

KOLASIB DISTRICT-AH BHARAT NIRMAN PUBLIC INFORMATION CAMPAIGN NEIH A NI DAWN


Bharat Nirman Public Information Campaign Kolasib District chhung khaw pathumah thla leh November khian neih a ni dawn.


PIC neih tur chungchang hi vawiin khan Kolasib DC Pi Niharika Rai, IAS hovin a office chamber-ah Pu Mangjangam Touthang, Chairman Core Committee, PIC, Mizoram leh Department hrang hrang hotute leh Kolasib MJA ten an ngaihtuah hova. PIC hi November 6th atanga Nov. 8th ahte Thingdawl field ah neih a ni ang a. Tun tuma PIC neih dan tur hi Camp-system- in a tum khatna atan tih a ni dawn a. Department hrang hrangten Exhibition neiin mipuiten an chhawr theih thil tangkai tak tak en tur leh hriat tur tarlan a ni dawn a ni. November 7-ah Hortoki-ah PIC programme kal zelah hian Health Camp leh Film Show neih a ni ang a, chutiang bawkin N. Bukpui-ah Nov 8th ah neih a ni bawk dawn a ni.


DC Pi Rai chuan PIC hi a theih ang bera hmang tangkai a Central Scheme an neih ang angte uar taka mipui hnena puangzar turin Department hotute chu a hrilh a ni. Pu Mangjangam Touthang pawhin thusawiin Central sawrkar duhdana Scheme kaltlanga thiltih leh hlawhtlinnate a zauthei ang bera puanzar tul a tihthu a sawi a. Tuna PIC buatsaihtu tur PIB, DAVP, Song and Drama Division, Doordarshan, All India Radio, Field Publicity leh State sawrkar te chu hetiang thil tul mipui hnena puanzarna tur dawhsan (platform) siamtu an ni a. Chu chu tangkai thei ang bera hmang turin Department te a ngen a ni.

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau