India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 
 

MIZORAMA PUBLIC INFORMATION CAMPAIGN VAWI 11-NA ZAWHFEL ANI TA

Mizoram a a tum 11-na atana Bharat Nirman/ Flagship Programmes chungchang mipui hnena puanzarna beihpui Public Information Campaign chu Nithum chhung hlawhtling taka neih anih hnuah Chawngte ‘P’ah khar ani ta. He campaign tum 11-na hi Dt. 3rd –5th March,2010 chhungin Kamalanagar-I, Kamalanagar-II leh Chawngte ‘P’ ah te neih a ni.

Hetiang Campaign ah hian Bharat Nirman Programmes bik- Rural Roads Connectivity, Rural Drinking Water Supply, Rural Electrification, Rural Telephone Connectivity, Rural Housing leh Rural Irrigation te bakah Prime Minister’s New 15 Programmes for the Welfare of Minorities, Mahatma Gandhi National Rural Employment Guarantee Act (MGNERGA), National Rural Health Mission (NRHM), Sarva Shiksa Abhiyan(SSA), Mid-Day Meal, Jawahar Lal Nehru National Urban Renewal Mission(JNNURM), Right to Information Act, Integrated Child Development Services (ICDS),etc. chungchang leh Mizorama tih hlawhtlin an nih dan mipuite hnenah ziak leh thusawia puanzar thin a ni a, Zawhna leh Chhanna hun siam thin a ni bawk.

Campaign Nikhatna hi Dt. 3rd March, 2010 khan Playground, Kamalanagar-I ah tan a ni a, hetah hian Pu Nirupam Chakma, Hon’ble MLA, Tuichawng Constituency, Mizoram chuan Khuallian niin Campaign hi a hawng a, Pu Kali Kumar Tong Changya, Hon’ble Chief Executive Member (CEM), Chakma Autonomous District Council (CADC) leh Pu Arun Bikash, President, Village Council, Kamalanagar-I ten Khual zahawm niin an hman pui bawk a. CADC-a Executive Member te leh MDC thahnem tak ten an hmanpui bawk a ni.

Campaign Nihnihna chu Dt. 4th March, 2010 khan Playground, Kamalanagar-II ah neih niin, hetah hian Pu Kali Kumar Tong Changya, Hon’ble Chief Executive Member (CEM), Chakma Autonomous District Council (CADC) chuan Khuallian niin he Campaign hi a hmanpui a. Pu Lalmon, President, Village Council, Kamalanagar-II ten Khualzahawm niin an hmanpui bawk.

Campaign Nithumna leh a kharna hun chu Dt.5th March,2010 khan Indoor Stadium, Chawng ‘P’ ah neih a ni a.Hetah hian Pu C.Ramhluna, Hon’ble MLA, Lawngtlai ‘W’ Constituency chu khuallian niin Pu Lalkhupzuama, Vice President, Chawngte ‘L’ Village Council leh Pu H.Lianzuala, Vice President, Chawngte ‘P’ Village Council te pawhin Khualzahawm niin an hmanpui bawk a. PIC tum 11-na chu Chawngte ‘P’ ah hian khar a ni ta a ni.

Tun tuma Public Information Campaign neihna hmun Kamalanagar –I, Kamalanagar-II leh Chawngte ‘P’ ah te hian mipui an kal tha hle a. Bharat Nirman/Flagship Programmes hnuaia hnathawktu Mizoram Sawrkar Department hrang hrang aiawh ten mipuite hnenah Bharat Nirman/Flagship Programme kalphung leh chungte atanga hnathawh tawh, thawhmek leh hmachhawp te mipuite hnenah sawiin Zawhna leh Chhanna hun thatak neih ani a ,mipui ten an tuipui thei hle.

Rural Roads Connectivity, Rural Telephone Connectivity, JNNURM, etc. ah te hian concern Department thusawitu tur an awm loh avangin he campaign-ah hian an hnathawh tawh dinhmun, thawhmek leh hmachhawp te mipuiin an ngaithla ve thei ta lo a ni.

Hundanga lo neihtawh thin ang bawkin tun tum Campaign ah hian DAVP leh DFP ten Photo Exhibition an nei a, hetah hian Bharat Nirman/Flagship Programmes hnuai atanga hnathawh ropui tak tak thlalak te an phochhuak a, mipuite en an hlawh hle a ni. Kamalanagar-I&II bikah hian NRHM atangin Photo Exhibition leh Health Camp buatsaih a ni bawk a. Damlo natna chi hrang hrang 500 chuang inentir zingah Malaria natna vei an tam ber tih hmuhchhuah a ni.

Tichuan, Central sawrkar ruahman anga hnathawh hrang hrang mipuite hnena puanzarna Public Information Campaign on Bharat Nirman/Flagship Programmes chu Mizoramah Vawi-11 neih zawh a ni ta a. Hetiang campaign tumkhatah hian campaign hmunhnih/hmunthum ah te neih a nih thin avangin, Campaign vawi 11 neih chhung hian Khaw hrang hrang 31 ah Campaign neih a ni.


cls/mt/lts                                                   1100hrs                                              8.3.2010

 

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau