India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 

 

17-July-2012

 

FDI IN MULTI BRAND RETAIL-A THIL PAWIMAWH LANGSAR ZUALTE

 

1.         Cabinet Decission – Distinct Indian Model with Safeguard for domestic stakeholder :

 
Ø         Sorkar ruahman ang chuan FDI kalpui tur chu za a 51 chauh a ni.


Ø         A tlem berah US Dollar maktaduai 100 tal sumdawnna kalpui tur a ni a, heng zinga za a 50 chu pawisa peipunna lam a ni tur a ni a, chung zingah chuan cold chain infrastructure, ei tur sawngbawlna, eitur vawnthatna leh chakkhai mamawh lamte a tel tur a ni.


Ø         Thil hralhchhuahna hmun chu khawpui 2011 chhiarpuia mihring nuai 10 awmna chinah chauh din tur a ni a, hei hian khawpui chhung kilometer 10 chhung a huam tur a ni; hetih lai hia State emaw UT –a 2011 chhiarpuia mihring nuai 10 tlinna khawpui a awm lo a nih chuan an duhna ber khawpuiah dawr chu hawn theih a ni ang a, duhthusamah chuan khawpui lianber thlan tur a ni.


Ø         Sumdawnna kalpui zingah a tlem bera za a 30 chu India-a Industry tenaute kaltlang a ni tur a ni a, hei bakah hian thil siamchhuahna leh khawl-a invest chu US Dollar maktaduai 1 a pel tur a ni lo.


Ø         Miretheite thlai tharchhuah humhim a nih theih nan sorkar chuan thlai tharchhuahah thuneihna a nei hmasa zel tur a ni.


Ø         Thil tharchhuah tharlam thei, thlai, pangpar, buh, be, arsa, sangha leh sa lam chiah chuan tualchung kut hnathawk, sanghamntu leh pangpar chingtute tanpui turin a thatzawng tarlang kher lova hralh theih a ni ang.


Ø         A chunga tarlan tak ruahmanna hrang hrangte hi a tha tur anga ruahman chhin a ni a, an duh a nih chuan State leh UT sorkar te chu an huamchhunga ruahmanna kalpui danah thuneihna pek an ni. Chuvangin State leh UT-a dawr te chu a huamchhunga thuneitute remtihnaa din theih a ni ang.

 
2.         Context :

 
India hi khawvela thei leh thlai tharchhuak tam ber pahnihna a ni a, kum khata chhunga a tharchhuah tam zawng chu Tonne maktaduai 240 zet a tlinga, nimahse thlai tharchhuah tawh hnu thahnem tak a chhe leh thin a, hei hi tharchhuah zawng zawng atanga za a 35-40 te a tling thin a ni. Tun dinhmunah hian thlai tharchhuah vawnthatna tur hmanrua, a dahkhawlna leh a thiar velna hmanrua kan nei tha lo hle a, hei hian kan thil hralhchhuah nasa takin a ti hniam a, hei hi siamtha turin private sector investment kan kalpui a ngai a ni.

 
Sorkar chuan ei leh bar man sang chho zel vanga harsatna thlen mektu sukiang turin tan a la mek a. Hnathawktute chuan a thlai tharchhuh phu tawk hlawkna an tel thei lo a, sumdawng leh loneitute inkara hlawkna neia thil kalpuitu middlemen te chun hlawkna tamzawk an tel mek a, loneituten an thlai man an tel let 5 vela toin thil leitute chuan an lei chhawng leh thin a ni.

 
Ø         DIPP chuan “Foreign Direct Investment in Multi Brand Retail Traing” tih thupui zirhona chu july ni 6, 2010 khan a buaitsaih a. He thupui zirhonaah hian mi hrang hrang 175 bakah Ministry leh Department 9 ten an ngaihdan an thawh, heng mi hrang hrangte ngaihdan hi Department of Consumer Affairs kaihhruai Committee chuan zirchiangin, he ruahmannaa belh ngaite a enfiah leh a, committee-ah hian Agriculture and Cooperatio Deptt., Commerce Deptt., Economics Affairs Deptt. leh Micro, Smal & Medium Enterprise Ministry aiawhte an tel a ni.

 

Ø         Committee of Secretaries chuan July ni 22, 2011 khan ruahmanna chungchanga an ngaihdan chu an theh luh hnuah Union Cabnet chua November ni 24, 2011 khan ruahmanna chu a pawm ta a ni.


Ø         Hetih lai hian ruahmanna kalpui mek chu zau zawka inrawnkhawmna leh pawmtlanna a ngaih avangin December ni 7, 2011 khan tih khawtlai leh a ni a.

 

Ø         Ruahmanna kalpui tura Cabinet thutluna chungchangah sawi neuh neuh a awm avangin State sorkar, Consumer Association, Industry tenau enkawltu pawl, kut hnathawktu pawl leh thlai sawngbawltu pawl aiawhte chu hemi chungchanga inrawnkhawmna neihpui a ni a. Inrawnkhawmnaah hian Delhi, Assam, Maharashtra, Andra Pradesh, Rajasthan, Uttarakhand, Haryana Chief Mnister te bakah Manipur sorkar leh Union Teritory pahnih Daman & Diu leh Dadra and Nagar Haveli te chuan ziakin an thlawp thu an tarlang a. Jammu and Kashmir Chief Minister pawhin ruahmanna chu tha a tih thu sawiin, kalpui nghal a duh thu a sawi a. Hetih lai hian Bihar, Karnataka, Kerala, Madhya Pradesh, Tripura leh Odisha sorkar te chuan ruahmanna hi an thlawp ve lo thung a ni.


Ø         Stakeholder ten nen sawihona neih a nih tum chuan FDI thatna leh that lohna hrang hrang tarlan a ni a, ngaihdan lakkhawm a nih hnuah ruahmanna chu kalphung fel leh khuahkirhna tha tak hnuaia siam a nih hnua hman remtih a ni a, hemi hnu hian Cabinet chuan ruahmanna tih khawtlai lailawk chu hlipin Spetember ni 14, 2012 khan a pawm ta a ni.

 
3.         Expected gains from FDI in Multi Brand Retail for Different stakeholders:

 
* Farmers

 
a)         FDI hian loneituten man man zawka an thlaithar an hralh theih nan a tanpui dawn a. Thei, thlai, pangpar, buh, be, arsa, sangha leh sa lam chiahte chuan hnathawktute chuan direct in hlawkna an tel tawh dawn a ni.

b)         A lo berah FDI kalpui tur za a 50 chu hmanraw tih changtlunna backend infrastructure-ah kalpui a ni dawn a, hei hian thingtlang lamah hlawkna a thlen nasa zual dawn a ni.

c)         Thlai thar dahkhawlna leh vawnthatna siam belh a ni ang a, hei hian thlai thar vawnhatna neih that tawk loh vanga za 35-40 vel zet thlai chhe thin chu a veng thei tawh dawn a ni.

d)        Lo a thlai harchhuahte chu direct in a hralhchhuahna hmun a thleng ang a, loneituten an hlawk phah sawt dawn a ni.

e)         Mamawh rang taka pekchhuah zung zung theih tura ruahman a ni a, hei hian thlai thar sa chhe leh thin ang chu nasa takin a veng dawn a, loneituten an hlawk phah dawn a ni.

 
*Rural Youth

 
a)         Hmalakna thar vek a nih dawn vangin thiam thil inhlanchhawngin an inhrilh tawn zel dawn a ni.

b)         Bungraw mala hralhchhuah kawngah a bikin hmanrua backend infrastructure-ah nasa takin hmasawnna hmuh a ni dawn a, hei hian hnathar tam tak a siam dawn a. Thalaite tan hnathar vaibelchhe khat chuang a siam belh dawn a ni.

c)         Hnathawhtur remchang a awm zung zung tawh dawn a ni.

 
*Consumer
 
a)         Hmanrua leh technology thar ber ber hman a nih dawn bakah, a that leh that loh enna, thliar hranna leh funna tha tak a awm tawh dawn vangin thil tharchhuah chuan a that phah sawt dawn a, hei hi tualchhunga thil leitute mai bakah ram danga thawnchhuaktute thlengin an hlawk phah dawn a ni.

b)         Thil man a hniam dawn bakah duhthlan tur a tam dawn a ni.

c)         Thil engkim a awlsam phah dawn a, thlai dahthatna atanga sawngbawlna leh siamchhuahna hmun thlenga zangkhai zawka thil kalpui theih a nih dawn vangin a hun takah mipuite duh ang leh mamawh ang a phuhruk zung zung tawh dawn a ni.

 
*Small Industry

                       
a)         Ramchhunga thil siamchhuahna tenaute an tlakchhiat mai loh nan Policy-ah  chuan sumdawnna kalpui atanga za a 30 chu India-a Industry tenaute kaltlang a ni tur a ni tih ruahman a ni a, hei hian hnathawhtur a siam belh dawn bakah ramchhunga thilsiamchhuahna hmunte chu dinhmun sang takah a vawrh chho dawn a ni.

b)         Ramchhung thil siamchhuahte chuan hma a sawn bakah a hlutna a san phah dawn a ni.

c)         Hmanrua a changkang sawt ang.

 
*Small Retailler

                       
a)         FDI kalpui tur chuan tualchhung sumdawng leh dawr awm sate chu hmasawn zel turin chona thar a pe ang a, anmahni dawrtute an ngaihsak lehzual bakah an thil zawrh turah an fimkur phah sawt dawn a, hei hian malsawnna nasa tak a thlen dawn a ni.

b)         Bungrua leh thil tha zawk man tlawm zawkin an zuar thei tawh dawn a ni.

 
Concerns Expressed

 
a)  The policy will kill the small retailer/traders :

 
Ø         Ramchhunga sumdawng pawl lian eng emaw zat, ‘Big Bazar’, ‘Reliance Fresh’, ‘More’, ‘Big Apple’, ‘Spencers’, ‘Croma’ leh a dangte a awmtawh a, heng dawrte hian sumdawnna tenau deuh zawkte nen inzawmna an nei deuh vek a, FDI hi kalpui a nih chuan heng tualchhunga lo awmtawh sa ten nen hian sumdawnna kalpui dan leh hmanraw tih changtlun kawngah an inel nghal dawn a, hei vang hian tualchhung dawrte chu eng emaw zat khar phah an ngai ang a, thenkhat chu an tlakhniam phah dawn a. Hetih rual hian ruahmanna chuan tualchhung sumdawngna leh dawr tenau zawkte chu a nawrchhuak vek ang tih a sawi theih chuang loh a ni.

 

Ø         Ruahmanna chu khawpui mihring maktaduai 1 chuang awmnaah chauh kalpui a ni dawn a, a bak ramchhung hmun dangah chuan sumdawnna tenau enkawltuten a hma ang leh ruahmanna kalpui hmasa angin hlawkna an la tel chhunzawm thei dawn a ni.

Ø         Khawvel ramdangte nen inzawmna chuan tualchhunga awmsa sumdawng lian leh tenau deuh zawkte nen thawk hoin hmasawnna a thlen thei a. Entirnan : China-ah chuan FDI kalpui a nih hma kum 1992-a sumdawnna lama hna punna chu za a 4 a ni a, hetih lai hian FDI kalpui hmasak ber kum 2001-a hna punna chu za a 7-ah a sang chho a,heti chhung hian tualchhung sumdawngte pawhin za a 30 zet in hma an sawn a. Sumdawnna tenaute chu maktaduai 1.9 atangin maktaduai 2.5-ah an pung chho a, hemi a hnathawktu chu maktaduai 28 atangin maktaduai 54-ah an pung chho bawk a ni.(Thulakna : FICCI – ICICI Propert Services Report – February 2005).

 

Ø         Hetiang chiah hian Indonesia-ah pawh FDI kalpui a nih hnuah pawh thlai leh chaw lam chi chu za a 90 atanga za a 70  zet tualchhung sumdawngte chuan an hralhchhuak tho a ni. Khawvel khawi hmunah mah FDI kalpui a nih vang hian tualchhung sumdawng leh hnathawktuten an chhiat phahna tih sawi tur a la awm lo a ni.

 
b)  As a result of this policy, the Indian market will be flooded by Chinese product :

 
Ø         Bazar-a zawrh tur bungraw lakluh ringawt hi FDI  tum ber a ni lo, ramdanga thawnchhuah a, ramdang atanga lakluh te pawh a tel a. Ramdang bungrua kan chawk luh rualin India bungruate chu ram dangah pawh kan thawnchhuak ve dawn a, hetiang kawng hniha sumdawnna hi tunlai khawvelin sumdawnna dan a kalpui mekin a tum chu a ni.

 

Ø         Ramchhunga thilsiamna tenaute dinhmun chawikang turin FDI kalpui tura za a 30 chu hetiang mite kaltlang tura ruahman a ni a, he ruahmanna kaltlang hian an hmanrua, thiamna leh theihna a sang chho ve zel ang a, khawvel ramdangte ruala ke an pek ve theih phah dawn bakah an thil tharchhuah leh siamchhuahte chu ram dangah an thawnchhuah ve thei tawh dawn a ni.

 

Ø         Tualchhung sumdawng leh Industry tenaute himna atana ruahman hmanraw tih changtlun backend infrastructure-a za a 50 ruahman tura tih chuan he thila inhnamhnawihte tan ram dang atang lakluh aiin tualchhunga thil siamchhuah atangin hlawkna an tel nasa zawk dawn a. Hetiang a nih vang hian sumdawngte chu ramdang atanga bungrua chaw lut loin tualchhung thilah an innghat zawk dawn a ni.

 
c) Foreign Retaillers will resort to predatory pricing :

 
Ø         Sumdawnna eng kawng pawha intihsiaknaah dan zawm tur khauh leh rintak tak siam a ni dawn a, hei hian intlansiakna kawnga thil dik lo kalpui tur a veng thei dawn a ni.


Ø         Ruahmanna kalphung zawm ngei ngei tur siam chuan sum dawnnaa intlansiaknaah hmanraw bawlhhlawh awm thei a veng dawn a. A lehlam zawnga thlir chuan  khauh taka bugraw pekchhuah dan biktuk siam chuan sumdawnna kalpuinaah tualchhung sumdawngte tan hamthatna a siam dawn a, hei hi thil leituten an hlawkpui dawn a ni.

 

Ø         Ramdang sumdawng lianten man tlawm zawka thil an zawrh theihna chhan chu an hnathawkte an chhawr tangkai thiam vang a ni a. India hi khawvela Labour Law nei tha leh kengkawh tha berte zinga mi a ni a, dan palzut si loiin he dan kaltlang hian ramdang sumdawngte hmalak angina ruahmanna a kalpui theih dawn a ni.

 
d) This Policy connot imposed on the states :

 
Ø         He thil hi ruahmanna mai a ni a, tih hlawhtlin leh tlin loh chu state sorkar thuneihna a ni. Hemi chungchanga ruahmanna hi tun dinmuna sorkar thutlukna mai a ni.

 

Ø         FDI kalpui tura ruahmana hian sorkar dan dinglai bakah ramchhunga sumdawnna dante a palzutin a luahlan dawn tihna a ni lo a. FDI kalpuir ramdang sumdawngte chuan state sorkar dan leh dun hnuaiah sumdawnna an kalpui tur a ni.

 

    

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau