India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 

 

06-July-2012

 

NON-LAPSABLE CENTRAL POOL OF RESOURCES SCHEME OF MINISTRY OF DONER

Backgrounder

      Hmarchhak bialah hian State 8, Arunachal Pradesh, Assam, Manipur, Meghalaya, Mizoram, Nagaland, Sikkim leh Tripura te an awm a. Heng State-a hmasanna hna hrang hrang kalpui thinte chu kum khat chhunga an state enkawl tura ruahman Annual Plan bakah Union Ministry leh Central Agency hrang hrang kaltlanga thawh a ni thin.

 A tlangpuiah chuan hmarchhak biala hmasawnna hna hrang hrangte hi sorkar laipui tanpuina hmanga thawh thin a ni a, heng state te hi special category states a puan niin an pawisa hmuh za a 90 chu tanpuina atan liau liaua pek thin a ni a, abak za a 10 dang chu loan a pek a ni a, heng special category state te hi non-plan expenditure-ah za a 20 thleng pawisa hman phalsak an ni thin bawk.

 Kum 1997, December ni 15-a Union Cabinet thukhawm chuan Central Pool of Resources ruahmanna hi a lo pawm tawh a. He ruahmanna Non-Lapsable Central Pool of Resources (NLCPR) tia vuah hi kum 1998 atang khan hman tan niin, hemi hnuaia Ministry/Department hrang hranga budget za a 10 chu an mahni tum ve tura ruahman a ni thung. Hmarchhak biala NLCPR kaltlanga hmasawnna hna hrang hrang thawh nan hian DoNER Ministry chuan a hranpain sum a pehhuak leh thin a ni.

NLCPR ruahmannain a tum ber chu hmarchhak biala hmasawnna hna chak taka kalpui a nih theih nan leh hmasawnna rurel thar siam belh zel a nih theih nana sum leh pai tam zawk ruahman sak a ni a. Hei bakah hian sorkar laipui tanpuinaa hmarchhak bial mipuite nunphung chawikan leh hmasawnna hrang hrang kawlphetha, kawng leh lei dawh, zirna, hriselna, tui thianghlim, infiamna leh kawng danga an dinhmun chawi kan chu a tum ber a ni.

 NLCPR hnuaia tanpuina hi 90:10 (tanpuina : State sorkar tumve) anga kalpui a ni a. Kum 2005-06 atang khan tanpuina sumna hi state sorkar te kutah hlan tan a ni a. Hemi hnuaia tanpuina sum hi state in ama ruahman hna thawh nan bakah sorkartanpuinaa project leh scheme hrang hrang kalpui nan a hman kawp theih a ni. Hetih lai hian he tanpuina sum hi state in plan pangngai a dawn tih hlawhtlinna atan hman theih a ni lo thung.

 Kum 2009, September ni 24 khan DoNER Ministry chuan hmarchhak bialte tan District Infrastructure Index ( DII) a hmang tan a, hei hi district hrang hranga hmasawnna hna thawhte tarlanna niin, hei hian hmun hnufual zawka hmalak dan tur ruahmannaah kawng thui tak a sial a ni.

 NLCPR ruahmanna hi a tul dan leh tha tur ang zela siam danglam thin a ni a, hmasawnna hna thawh rual tlang taka akalpui a nih theih nan hmun hnufual zawk leh Autonomous District Council (ADC) a a bika hmasawnna hna tahwhna tur tanpuina sum za a 25 chu dah that thin a ni.

 He ruahmanna hnuaia hnahawhna tur sum pekchhuahte hi state sorkar in a remchan dan ang zelin a hmang mai thin a. Hemi hnuaia hna thawh reng reng chu a dawngtuten tangkai zawka an hman theih nan a hun takah a tha thei ang bera zawh hman tura beisei a ni a, chutiang taka hna thawh that a nih theih a hna thawhte chu endik zel tur a nih angina, DoNER Ministry chuan NLCPR kaltlanga state tinte nathawh chu tha tak leh uluk takin a endik leh thin a ni.

 NLCPR kaltlanga hna thawhte hi a dawngtu state sorkar ten an sum hman leh an hna thawh tawh chin report a theh luh mil ang zelin DoNER Ministry chuan a endik thin a, heta an hnathawh that leh thah loh a zirin sum a pekchhuak belh thin a ni.

 State tina Planning and Development Department chu NLCPR hnuaia hnathawh reng reng kalpuitu nodal Department atan ruat a ni a, hemi hnuaia hna thawh reng reng hi state senion officer kal tlangin a thawk a, an endikna report chu ministru-ah a theh lut leh thin a ni. Project thar kalpui a nih dawn a piangin state sorkar chuan Nodal Officer a rut fel hmasa ziah tur a ni a, Nodal Officer chuan a hun takah hnathwh chu endikin report a theh lut leh thin dawn a ni. Hetih lai hian State Chief Secretary te chuan NLCPR hnuaia hna kalpui dan thlirletna kum tin vawi 4 tal meeting a ko thin tur a ni a, heta an thurelte chu Ministry-ah a thelut leh tur a ni bawk.

 DoNER Ministry-a Senior Officer ten NLCPR kaltlang hnathawh a hmuna an endik hi tluang taka hna kalpui a nih theihna tur kawngah thil tangkai tak a ni a, hei hi tanpuina dawngtu state ten hna an thaeh that heih phah dawn bakah an hna thawh meka buaina leh harsatna an tawhte chiang zawka hrit theih nan a tangkai hle a dawn a ni.

 NLCPR kaltlang hnathawh leh JNNURM Scheme hnuaia hnathawhte chik zawka endik a nih theih nan kumin atang hian ruahmanna thar kalpui a ni a, hemi hnuaiah hian State sorkar te chu NLCPR Committee hmaah an nathawh mek chungchang sawifiah tura koh thin an ni a, hei bakah hian an hnathawh zawh tawh leh ruahmanna dang an neihte chu a taka kalpui tlak a ni nge ni lo an sawifiah thin a ni.

 State sorkar te chuan tanpuina pawisa an dawn hmanga an hnathawhte chu a hun taka an zawh zel theih nan Ministry chuan hnathawkthate hnena lawmman Incentive Scheme a ruahman a, kumtin state hnathawktha ber thlanchhuah hnenah an chanpual bak cheng vaibelchhe 20 hu hnathawh tur dang a pe thin a ni.

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau