India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 

 

HMARCHHAK ZONE-A KVI PROGRAMME

- Rajesh C Bali

Dated Aizawl, the March 31, 2010

MSME

India hmar chhak hi leilung hausakna chi hrang hranga khat, ramngaw zau tak, thlai leh ramsa chi hrang hrangte awmna hmun a ni a. Tlangram leh phairuamte chu a mawi em em vek a. Hmarchhak Zone-a chengte hian hnam dan mawi leh duhawm tak tak an nei hlawm theuhva. Heng laia cheng hmeichhiate chuan anmahni kutkawih puantah thiamna thuk tak neiin maimaw puan chi hrang hrang Endi,Muga leh Pat Silk atanga siam puan leh la chi hrang hrang hmangin khawvela puan tah mawi leh tha ber ber an lo tah chhuak tawh thin a. Tlangrama cheng hnam hrang hrangte chuan anmahni ngaihtuah chhuah puan tah dan ze hrang hrang an nei bawk. Heng laia kut themthiamna hi a lar tham hle a, thingtlang khuaa an chenna inah ziza hmang te, thing hmang te leh mau leh hruihnang hmangtein thil mawi leh tha tak tak an tah thin a ni.

Heng laia thingtlang eibar dinhmun khawihtu pawimawh tak mai chu Khadi and Village Industries hi niin khaw hrang hrangte ei hmuhna hmanrua a nih bakah mihring thiamna leh theihna hmanga leilung hausakna thil chi hrang hrang tangkai leh hlawk zawka hmanna a ni bawk a ni.

Hmarchhak Zone hian state pariat - Arunachal Pradesh, Assam, Manipur, Meghalaya, Mizoram, Nagaland, Sikkim leh Tripura a huam a. KVIC hian State tinah hian State Office a nei deuh vek a, chung State Office awmna chu Itanagar, Guwahati, Imphal, Shillong, Aizawl, Dimapur (State Capital: Kohima), Gangtok leh Agartala te a ni a. State Office pariat bakah KVIC hian Guwahati-ah Zonal Office for North Eastern Zone neiin he office hi Hmarchhak Zone-a KVIC Programme hnathawh dan uluk taka thlithlaia enkawltu a ni a. Sub-Office pawh Assam-a Silchar-ah dah a ni bawk a, hei hi Barak Valley leh North Cachar Hills District-te tana thawktu a ni.

North East Zone-a state pariatah hian KVIC chuan State Khadi and Village Industries Board hmangin Khadi programme hi a bawhzui a, Board hi Commission chuan direct-in a tanpui thin a ni.
Zone chhungah hian Khadi lam thil siam thiam la kaitu leh puan tahtu 17,000 an awm laiin an zinga 14,000 chu Assam state chhunga mi an ni.

Kum 2008-09 chhunga Khadi production hi kum hlui aiin zaa 33-in a pung a. Kum 2007-08 chhunga Rs. nuai 760.58 hmuh atangin kum 2008-09 chhungin Rs. nuai 1007.54-ah a pung a. Hralh chhuah pawh kum 2007-08 chhunga Rs. nuai 687.99 a nih laiin kum 2008-09 chhungin Rs. nuai 990.91-ah a pung chho a ni. Kum 2009-10 chhung hian kum hluia hmasawnna chu khum a ni tawh a. He Zone-a KVIC programme a lena a darh zau zelna turin KVIC chhungah hian institution thar pawh ziah luh belh zel a ni a, mipuite pawhin an zawm tha hle. Tunah hian KVIC hnuaiah hain institutions thar panga ziah belh a ni tawh a, rawtna dang lo lutte pawh ngaihtuah mek a ni.


Industries tihchakna tura Fund inpek dan scheme :
North East Region-a kut themthiam tak takte nun khaw chhuahna tur leh tunhma atanga thilsiamna chi hrang hrang hausakna hmang tangkai a, a thar chhuah tihpunna atan leh hnathawh tur tam tak a siam theihna turin scheme pakhat SFURTI chu a din a. He scheme hnuaia nodal agency chu KVIC a ni a, Indian Institute of Entrepreneurship (IIE) chu Technical Agency (TA) a ni a, Directly aided Institutions of KVIC or NGO chu Implementing Agencies (IA) an ni. Tunah hian SFURTI Clusters 12 chu hna thawk theiin a awm mek a, chung zinga 2 chu Khadi Clusters a ni a, 10 chu Village Industries Clusters a ni. He scheme hi kut them thiam mi 7,614 chuan hlawk nana hmangin fund ruahman pawh Cheng vaibelchhe 6.39 a ni.

Assam-a Barpeta district-a Jania-a bamboo cluster, Anchalik Gram Unnayan Parishad enkawl mek chu tun hnai khan Assam sorkar hnuaia Industries Department sponsored Cairo (Egypt) Exhibition-ah a tel ve a. Assam Gramin Vikash Bank (AGVB) chuan Cluster hnuaia hamthatna dawng mekte tana Working Capital pek a remti bawk.

Khadi Programme tihhmasawnna:
(i) Khadi hnuaia thawkte tana Work-shed Scheme siam leh (ii) Khadi Artisans and Industry-te tana siam chhuah hlawkna leh inelna tha a awm theihna turin chak taka bawhzui mek a ni. Work-shed Scheme hnuaiah hian Assam-a artisan 434 leh Meghalaya-a work-shed 14 chu an hna thawhna hmun tur sak sak an ni tawh. Hemi atana KVIC hnuaia fund ruahman zat hi Cheng nuai 112.00 a ni a. Kum 2009-10 chhung atan hnathawhna in 298 sakna tur sum pek a ni a, pek zat hi Cheng nuai 74.50 a ni.

Scheme for Enhancing Productivity and Competitiveness of Khadi Programme hnuaiah Assam-a direct-a institutions tanpui mek palite chu KVIC chuan Cheng nuai 144.53-a tanpuina tur fund a pe tawh a, chuta tang chuan Cheng nuai 75.80 pek chhuah a ni tawh.

Product Development Design Intervention And Packaging :
Thil siam chhuah, hralh tlak leh tha taka siam chhuah a nih theihna turin KVIC chuan PRODIP Scheme hnuaiah an thilsiam chhuah tihmawi (design) leh a siam chhuah funna (product packaging) lam tihchangtlunna turin hma a la a. He scheme hnuaiah hian kum 2009-10 chhung khan Khadi hnuaia project panga leh Village Industries hnuaiah project 9 siam a ni.

A hralh chhuahna (marketing) :
India hmarchhak lama KVI thil siam chhuah hralh chhuah that theihna turin leh heng laia kut themthiamte inpho chhuahna turin Assam-a Guwahati-ah Khadi Plaza hawn a remti a, Nagaland-a Dimapur-a Khadi Haat dinna tur sum pawh sanction vek a ni tawh bawk.

Kum tinin North East Zone tan bik Exhibition huaihawt thin a ni a. Kum 2009-10 chhung atan KVIC chuan Zone pawn lama neih turin Uttarpurva Khadi Gramodyog Darshan/Mela' tum hnih huaihawtna turin sum a sanction tawh a, Mela pakhat hi New Delhi-ah neih a ni ang a, a dang leh chu kum 2010-11 chhungin Kolkata-ah neih a ni ang.

Heng bakah hian North East Zone-a KVI Unit chu New Delhi-a Pragati Maidan-a neih IITF-2009-ah hlawhtling takin a tel ve bawk.

KVIC hian Zone huam chhunga unit hrang hrangte region pawn lama Domestic Exhibition-a an tel theihna tur grant a siam bawk a. Unit emaw, institution tin atangin mi pahnih an haw lam leh kal lam atan 2nd Class Sleeper pindan ruahman sak an ni bawk a. Rela an bungraw phurh theih zat pawh kg. 500 chin bithliah sak an ni a. A kalte ei man tur pawh mi pakhatah ni tin Rs. 150/- pek a ni bawk ang.

Hetiang chiah hian an region chhunga exhibition danga unit leh institution dangte an tel ve theihna turin grant ruahman a ni bawk.

KVIC hian North East Zone chhunga exhibition neihna tura North East Zone-a tel lo unit/institutions tanpuina grant a pe thei bawk.

KVIC chuan KVI thil siamte thawnchhuahna kawng a dap reng a. Thawn chhuah tlak thil siamte that leh that loh chhinchhiahna (identification) siam mek a ni a, unit hrang hrangte chu KVIC-Export Promotion Council member-a ziah luh an ni tawh hlawm a ni.

ISO 9001-2001
Assam-a direct-a tanpuina dawng institution pakhat chu ISO 9001-2001 certificate nei thei mai tur dinhmunah a ding.

Guwahati-a Central Sliver Plant:
Guwahati-a Central Sliver Plant dinna turin Guwahati-a IIT nen tang duna hma lak mek a ni a. He Zone-a thil siamna atana hmanraw mamawh Endi, Muga leh Silk Sliver pekna turin ruahmanna siam a ni a. Uttar Purbanchal Khadi Gramodyog Maha Sangha chuan a dinna tur ram pek pawh a remti tawh a, project dinna atan zaa 10 pek tur pawh tih fel a ni. IIT, Guwahati chuan Commission atanga sanction dawnna turin Detailed Project Report an buatsaih fel tawh bawk a ni.

Human Resource Development:
North East Region lamah hian HRD hi ngaih pawimawh berte zinga mi a ni a. Hetah hian hna thawk mek Multi Disciplinary Training Centre panga a awm a, kum 2008-09 chhung khan candidate 14,604 an training a. Kum 2009-10 chhungin candidate 10,000 chuang training pek zawh a ni tawh bawk.

Welfare Scheme

State Level Artisans Welfare fund Trust (AWFT) :
He Trust-a chanvo nei (stake-holder) te chu Khadi programme hnuaia thawk artisan-te an ni a. Heng institutions-a thawkte tana fund siamna tur hi Khadi hnuaiah ruahmanna siam a ni a. Institution-te hming hi Trust-ah ziah luh a ni a, fund-te chu Bank Account-a deposit zel a ni. March 25, 2010 khan Trust-ah hian institutions 31 chu registered a ni tawh a, pawisa dah luh zat chu Cheng nuai 9.19 a ni.

Janshree Bima Yojana :
He welfare scheme hi chetsual palhna avang emaw, awm lai emaw thi Khadi hnuaia thawkte tana tih a ni a, chetsualna avanga ramtui lei lo te chhawmdawlna tur bakah artisan faten Class VII atanga Class XII thlenga lehkha an zir theihna tur scholarship pek a ni bawk.

Prime Ministerís Employment Generation Programe :
Rural Employment Generation Programme (REGP) tih tawp a hnih hnuah a thlakna turin scheme thar Prime Ministerís Employment Generation Programme (PMEGP) chu kum 2008-09 chhung khan siam a ni a. Kum 2008-09 chhunga project 1,380 hlawhtling taka thawh a ni a, kum 2009-10 chhunga Bank-in tanpuina a pek tawh chu project 2,836 a ni a, hei hi Ni 26.03.2010 dinhmun a ni.

Kum 2009-10 chhunga state tinte dinhmun (27.03.2010)
 

 

Sr.

No.

 

State

Target

No. of applications forwarded to Banks

No. of application sanctioned by Banks

Margin Money disbursed

No. of Projects

Margin Money

No. of Projects

Margin Money

No. of Projects

Margin Money

1.

Arunachal Pradesh

1709

2050.54

3043

1673

1553.00

845

701.66

2.

Assam

86

102.86

160

140

96.82

140

96.81

3.

Manipur

195

235.32

158

122

140.91

25

29.23

4.

Meghalaya

202

241.98

1137

352

985.61

271

464.17

5.

Mizoram

100

119.14

776

205

230.00

105

179.21

6.

Nagaland

179

215.34

358

30

212.80

12

24.02

7.

Sikkim

53

62.90

117

60

112.09

45

94.48

8.

Tripura

197

236.06

931

254

979.88

102

119.99

               TOTAL

2721

3264.14

6680

2836

4311.11

1545

1709.57

Rural Industries Service Centre :
He scheme hi artisan hlawm khat zelte tihchangtlunna atana tih a ni a, Common Facility Centre (CFC) din a ni a, an thiam leh thawh that dan azira hamthatna pek te, an thawh that theihna tura zirtirna pek te, an thil siam fun leh khung thatna tur leh KVI thil siam hralh chhuah tihpunna tura ruahmanna chi hrang hrang siam a ni. He scheme hnuaiah hian NE Region tana project dinna tur additional subsidy zaa 15 ruahman a ni a, ram pumah erawh chuan subsidy hi zaa 75 pek a ni thung. Kum 2009-10 chhung khan project 7 chu sanction tura tih a niin February 2010 thlenga sanction pek tawh chu project 5 a ni thung. Arunachal Pradesh tana project 2 sanction tur chu bawhzui mek a ni. Kum 2009-10 chhung atan KVIC chuan RISC-PRODIP awareness camp 5 buatsaihna tura tanpuina pek chhuahah camp 4 huaihawt a ni a. Manipur chuan an state chhung boruak muanawm lo avangin he camp hi a buatsaih thei lo a ni.

Publicity
KVIC chuan North East Region tan KVI scheme leh programme chi hrang hrang a bawhzui a, chungte chu Print Media leh AIR/Television-ah te puan leh theh darh a ni a. Scheme chi hrang hrang PMEGP, PRODIP, RISC kalphung theh darh nan exhibition-ah leaflet, poster, hoarding, festoon ang chite hman a ni a. Peoples Education Programmes (PEP) pawh ruahman a ni a. Kum 2009-10 chhung khan KVIC chuan he Zone-a hman tur Cheng nuai 23.85 a pe chhuak tawh a ni.

Information Technology
KVIC chuan inbiak pawhna leh thu dawn tawnna tura thil tul leh tangkai inhrilh zung zung theihna turin Internet facility siam nan kum 2009-10 chhung khan fund Cheng nuai 40.00 a pe chhuak a ni.


MT/CLS/LTS
 

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau