India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 

 

MEIKHU PAWLHLOH BORUAK THIANGHLIM NUN HRISEL ZAWK NEIH NAN

- Pallavi Chinya*

India ramah hian zuk leh hmuam kaihhnawih natnate avangin kumtin mi 900,000 an thi thin a.Cancer vei mipa zinga 56.4% te chu zuk leh hmuam vang anih laiin hmeichhia cancer zinga 44.9% te chu zuk leh hmuam vang ani bawk.India ram hi khawvela ka cancer tamna ber aniin, chu chu zuk leh hmuam vang ani.Thawhah leh chuap natna nei zinga 82% te chu zuk leh hmuam vang an ni.

A chunga tarlan tak zuk leh hmuam vanga India rama harsatna kan tawn te khi a kheuh hawnna ang chauh ani kan ti thei ang.Zuk leh hmuamin kan vantlang nun,kan chhehvel boruak leh kan sum leh pai dinhmun a khawih chhiat dan hi tarlan vek tum ta ila asei lutuk ang.Zuk leh hmuam ina India min tihbuai dan hi khawvel ramdang nena khaikhin chuan a chiri bik ani mahna.India ramah chuan Tobacco (Vaihlo/Sahdah,etc) hi kawng hrang hrang- Sikret, bidi, hukka, gutkha, khaini,etc ang te a hman ani a.Beedi zuk hi tobacco zuk dan pui ber chu aniin Sikret zukin a dawt ani.Pankhawr a tobacco telh hi a ei ang chi a tobacco eidan puiber chu ani a.Tobacco atanga sawngbawl heng paan masala, gutka leh mawa te pawh hi eilar anniin chin dawklak awl tak anni.

Hriselna atana zuk leh hmuam hlauhawmna te : Vaihlo zuk khu hian tur hlauhawm chi 4000 aia tam a kenga: nicotine leh carbon monoxide te hi a hlauhawm ber te an ni.India ram hmun hrang hrangah mipa zingah zuk leh hmuam a hluar tih hriat aniin 50% velin an chinga,khawpui aiin thingtlangah a zualkai bawk.India ram hmun tamtakah hmeichhia te zingah pawh a khulochi a zuk lehhmuam hmanna a hluar hle bawka hmun thenkhatah chuan 15% ten an chin lain hmun thenkhatah chuan 60% lai ten an ching ani.

Mei zuk leh lunglam natna hrang hrang, thawkna lam harsatna leh thawhah kan tih te bakah chithlah kawnga harsatna te leh cancer te hi,in kungkaih tlat ni a ngaih loh theih ni in a lang lova.Ramdang nena khaikhinin India ram hi zuk leh hmuam avanga thihna pun chakna ber ni a ngaih ani a.Hetih ruala mangan thlak deuh pakhat chu,meizu ngai miahlo mi tamtak te mi meizuk khu hipluh vanga kumtin meizuk kaihhnawih natna avanga an thi thin hi ani. Mei zu ngawrhte tan cancer leh lungphu diklo a hlauhawm bikin,mit ,hnar leh hrawk natna a thlen thin bawk ani.A zulo tan pawha meizuk kaih hnawih thihna thlen thei tu mi meizuk khu laka venhimna chu state sawrkarin a thawh theih ani a, hnathawhna hmun meikhu awmlohna boruak thianghlim ni tura hma alak angai ani.

Zuk leh hmuam khuahkhirhna lam: Mipui vantlang hmuna meizuk khapna chuan rawlthar meizu te nundanah nghawng langsar tak a nei a ni.Framework Convention on Tobacco Control anga India in zuk leh hmuam khuahkhirhna a dan February 5, 2004a asiam chu,he hriselna atana hlauhawmna zualzel dolet tura ram anga awmze neia a hmalakna liantham hmasa ah ngaih theih ani ang.WHO Framework Convention on Tobacco Control(WHO FCTC) hi khawvel pum hriselna tura in thlungkhawm,zuk leh hmuam avanga thihna leh natna te tihtlem tumtu an ni a.He framework hi June 2003 ah hman tan aniin kum 2006 tawpah chuan he Convention ah hian Party 142 lai tel tawhin khawvel a mihring zawng zawng hmunli a thena hmun thum a huam pha hial tawh ani.


Zuk leh hmuam khuahkhirhna dan The Cigarettes and Other Tobacco Products (Prohibition of Advertisement and Regulation of Trade and Commerce, Production, Supply and Distribution ) Act 2003 chu May 1,2004 atang khan hman tan ani a.

Chu Dan (Act) in a huap langsar te chu :

  • Vantlang hmuna Meizuk khapna (Inchhung hnathawhna hmunte pawh a huam).
  • Vaihlo (Tobacco) atanga siam thil te faklar khapna.
  • Naupang hnena hralh khapna.
  • Vaihlo atanga siam thilte chu naupang kum 18 hnuai lam hnenah hralh theih ani lo.
  • Vaihlo atanga siam thil reng reng zirna In atanga yard 100 aia hnaiah zawrh theih ani lo.
  • Milem hmanga hriselna atana a pawi dan tarlanna.
  • Tobacco/Vaihlo pack kawmah chuan saptawng leh India hnam tawng pakhat emaw a aia. tamin hriselna atana a pawi theihna tarlan tur ani.
  • Vaihlo/Tobacco fun kawmah chuan, eng ang thil nge anih tarlan tur ani(tar leh nicotine).

Tobacco leh Karnataka : Karnataka hi National Rural Health Mission atanga zuk leh hmuam hmanna tihtlem leh khuahkhirh project enchhinna tura ramchhunga state thlan paruk-na ani a.Hetiang project enchhinna tura thlan state dangte chu Goa,Rajasthan, Jharkhand,Assam leh West Bengal te an ni.

He project ina a tum te chu:

  • Tobacco Cessation Centres din.
  • Anti-Tobacco law kenkawh
  • Thawktu te zirtirna pek
  • School ah te programme siam
  • IEC hnathawh

Zuk leh hmuam tihtlem/bansanna hi tobacco khuah khirh hlawkna lang hmasaber chu ani a.Hetiang zuk leh hmuam bansan natur centre(Cessation Centre) ina a tum ber chu,zuk leh hmuam chingtu ten nghei tura puihna leh zirtirna an dawn theih nana thawh ani a.Centre hnathawh hian India rama zuk leh hmuam hman dan chi hrang hrang te hi a huam dawn ani.Abul tan nan, he project thar hnuaiah hian Karnataka ah chuan Cessation Centre pahnih Bangalore Medical College,Bangalore leh Distric Hospital,Gulbarga ah te din ani dawn ani.

Karnataka sawrkar chuan zuk leh hmuam khuahkhirh leh invenna lam hnathawktu atan July 22nd,2004 ah khan Anti-Tobacco Cell alo din tawh a.Karnataka sawrkar Health & Family Welfare Department a Principal Secretary chu he Cell ah hian Chairman ani a.A kaihnawih department zawng zawng leh heng Home Department leh Indian Medical Association aiawhte chu member an ni.Khuahkhirhna dan kengkawh leh ti hlawhtling tur hian he Cell hian state atanga Gram Panchayat thlengin thuneitu tur 130 aia tam mah a siam a.Chungho te chu Nodal Officer anga thawkin dan bawhchhetute thubuai siamsak thei tura thuneihna pek an ni a.Chu bakah he Cell hian Police officer Sub-Inspector chunglam te chu dan bawhchhetute pawisa chawi lo dawng thei tura thuneihna pek a rawt bawk.Hetianga hmalakna hi awmze neia Anti-Smoking Act tih hlawhtlin kawngah a tangkai hle dawn ani tih Dr.Prakash,Joint Director leh Member Convenor,Anti-Tobacco Cell,Dept.of H&FW Government of Karnataka chuan a sawi.

MEIKHU PAWLHLOH BORUAK THIANGHLIM : Meikhu pawlhloh boruak thianghlim siam chauh hi meizuk khu atanga natna awmthei laka himtheihna ani tih khawvel thiamna atanga finfiahna a thatawk hle a.Kum 2004 March ah tawh khan Ireland chu vantlang hmun leh inchhung hnathawhna hmun meikhu pawlhloh boruak thiang hlim a siamtu khawvel puma pakhatna alo ni tawh a.Chu chu ram tamtak Norway, New Zealand, Italy leh adang ten entawnin vantlang hmun leh inchhung hnathawhna hmun te chu meikhu awmlova siamna tur Dan te hlawhtling takin an hmang tawh ani.Hnathawhna hmun meikhu awmlova siamna hian meizulomi te meizuk chakna lakah a veng mai anilova,a zu mite pawh sim duhna leh zuk tlemna a siam sak ani.Meikhu awmlo boruak thatna hi hairual anilova,khawvel pumah meikhu awmlo boruak siam duhna hi dan ruallohvin a lian tual tual ani.

*Dy.Director (M&C) PIB,Bangalore.

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau