India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 

 

Military World Games

PIB Aizawl 22nd June 2007 15:41 IST.

Military World Games
2007 October 14th atanga 21st thleng hian Hyderabad ah Fourth CISM Military World Games, CISM–the Consiel Internationale duSport Militaire, neih a ni dawn a. CISM hi khawvel pum a sipai (military) ten infiamna a inelna an neih thin niin, ram hrang hrang 127 Armed Forces te an tel a, international Olympic Committee tihloh ah chuan khawvel ah a lian ber a ni hial a ni. Kum 1995 atang khan Military World Games hi tanin kum 4 danah zel neih thin a ni a, tah hian sipai kalkhawm te hi indo na lam nilovin infiamna lamah in elna an nei thin a, Games thupui atan hian “ Infiamna hmanga Inthianthatna” tih hman a ni.

Inhmelhriatna thuk zawk.
Zawhna tam tak awm thei a awm a – “Olympics, Commonwealth Games, Afro-Asian Games leh Asian Games te a awm tawh tho si a, engatinge Military Games hi awm ve kher a tulna? A hran a neih kher enge tulna?” tih te leh ngaihdan tam tak “a in senso thlak mai mai a ni” tih te awm thei a ni. Military Games in a tum ber chu ram hrang hrang inkungkaihna tha zawk a awm theihna tur leh inhmelhriat ngailo te inhmelhriatna a lo awm a, inhmangaihna a lo pung zawk a indo inep leh buaina tam zawk alo tlem beisei vang a ni. Hah taka ram leh hnam venghim thin tu leh ram tan a thawktu Sipai te hian intihhlimna an mamawh piah lamah an thawh ang thawk ve ramdang mite nen anlo inhriat thata indo na hmanrua mai a inhrelova a hlimawm zawnga an inhmelhriat hi a tum ber a ni.

Games neihna tur.
Military Games hi thum 3 neih tawh niin, Rome, Zagreb leh Catania ah te neih a lo ni tawh a. Tun tum ah hian Hyderabad a neih tura rel thluk a ni. CISM Sports a President leh Secretary General te chuan CISM Sports Committees hmingin he games neihna tur Hyderabad te inbuatsaih dan leh hma na lakna ah fakawm an tih thu an sawi.

“Mission Olympics”
Guwahati a National games neih zawh takah India Military te hi an chhe tha hle a, tuna Military Games neih turah hian nasa takin phurna a pek a rinawm a, chak ber “Mission Olympics” pawh an neih ngei a beisei awm.

Military Games avang hian India sorkar chuan hlawkna tam tak a hmuh piah lamah India chu infiamna lamah Khawvel map ah langsar takin a awm tir thei dawn a. Games thlengtu Andhra Pradesh sorkar leh Hyderabad khawpui chuan hlawkpuiin a changkan phah dawn bawk a ni. Mumbai khawpui in infiamna chi hnih Sailing & Triathlon Indian Navy te hnuaiah a thleng dawn a, Events 13 zinga 12 te chu Hyderabad in thlengin a buaipui dawn a ni. Indian Air Force ten Parachuting an buaipui thung ang.

Event Dangdai.
Military World Games ah hian infiamna kalphung leh tihdan thin anglo deuh hlek a kalpui a ni dawn a. Military Pentathlon, Parachuting leh Shooting te chu tihdan pangngailo sipai tihdan a kalpui tur anih bakah, Hockey leh Kabaddi chu ‘demonstration sports’ tiin a tihdanphung pangngailo deuh a kalpui a ni dawn bawk a ni. Military Games infiamna zawng zawng a 25% medal la tu chu chak ber a puan a ni ang. He Games en tur hian mi zanwg zawng sawm
kan ni.

• Courtesy world Military Games.
• For Photographs, Please visit; www.mwg2007.org.
 

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau