India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 

 

India ram hmelhmang hmasawnna hmanga tihdanglam a ni

-  Pallavi Chinya

PIB Aizawl 9th July 2007. 15:15 IST

Council for Advancement of People’s Action and Rural Technology, CAPART hi Ministry of Rural Development hnuaia autonomous society niin kum 1986 a din a ni. CAPART hian thingtlang leh hmun kilkhawr te tihhmasawn leh changtlungna kawngah Tlawmngai pawl hrang hrang leh sorkar thawhona tha zawk awm theihna tura hma la in, thingtlang lam mamawh khawl hrang hrang bakah project te siamin hna a thawk a ni CAPART hmalakna hi State sorkar department emaw District lam thuneitute hnen atang tihpuitlin mai a ni lova. Tlawmngai pawl thawk tur ruatna ah hian CAPART Headquarters New Delhi atangin emaw ram chhung hmun hrang hrang 9 Jaipur, Lucknow, Ahmedabad, Bhubaneswar, Patna, Chandigarh, Hyderabad, Guwahati leh Dharwad centre atang te in thu tlukna siam thin a ni.

CAPART Regional Centre, Dharwad ami hi kum 1999 a din a ni a. Goa, Karnataka leh Kerala state te bakah Union Territory of Lakshadweep te hi bialin heng chhunga hnathawh te a enkawl a ni. NGO hrang hrang lo enkawl tawhin nasa takin hna a thawk a. Kum 1999-2000 atanga 2003-04, chhung khan Karnataka a Voluntary Organisations (VO) 400 leh Kerala a VO 150 te chu Cheng Nuai 900 leh Nuai 700 in a lo tanpui tawh a, project tam tak tihhlawhtlin a ni tawh a ni. Kum 2004-05 atanga 2006-07, chhung atan Karnataka leh Kerala ah te hian project 249 kalpui leh tura ruahmanna siam a ni a, cheng nuai 1020 dah niin pekchhuah a ni tawh a ni.

CAPART in a tum ber chu mipui te duhdan leh duhzawng ngaihthlak a, an harsatna te chhawk a, an mahni thiam thil leh kuthnathawh ngei hmanga hmasawnna thlen tir a ni. CAPART regional center Dharwad ah pawh hian project dangdai tak mai, tui hnianghnar taka an neih theihna turin hmalakna kalpui mek a ni.Lakhmapur khua hi in 750 awmna niin, mi 3000 vel an khawsa mek a. He khua hian lui emaw tuikhur emaw tuichhuhchhhuah emaw pawh pakhatmah a nei lova, an awmna atanga km 2 a hla mimal ram chhungah tuichhunchhuah pakhat a awm a, hemi atang hian an mamawh zawng zawng ei rawngbawl nan leh huan leh thlai enkawl nan an hmang a ni. In tinin tui an neih theihna turin tui hi an in sem tlang thin a ni.

Lakhmapur khua harsatna hriain CAPART chuan Siddeshwara Grameeena Abhivridhi Sanga, Yadhwad a mi thawhpuiin he khua in tui hnianghnar zawka an neih theihna turin hma a la a, project siamin a kalpui chho a. Tuichhunchhuah atanga tui lakchhuahna pipe siamin khawchhungah tuizem an siam a, vantlang insukna hmun siamin, vantlang tuizem tui intur chauh lakna tur pawh siam a ni.

Kum 2 chhungin project hi zawh a ni a. Khaw chhungah vantlang tan tuizem 22 siam zawh niin, a enkawl hna hi Lakhmapur khaw Yadhwad gram panchayat ah hlan nghal a ni.

CAPART hmalakna tharlam.
CAPART chuan hmalakna thar hrang hrang Nodal NGOs scheme, Yuva Jyoti, Rain Water Harvesting leh a dangte a siam belh a. Hmasawnna leh thil tha zawk alo chhuah zel theihnan CAPART chuan Center for Sustainable Technologies (CST) of Indian Institute of Sciences (IISc), Bangalore nen thawhdunna thuthlung MOU a ziak a. He MOU hi kum 3 chhung atan niin cheng nuai 84.70 dah a ni. CAPART chuan CST Pilot proposals siam pawmin a hnuaia mi ang hian sum a pe chhuak tawh a ni.

  • Small Biogas Plants for Biomass , cheng nuai 17.15 project.
  • Project Development & Dissemination of Bio Fuel Efficient Stoves & Agro Processing Driers, cheng nuai 12.04 project.
  • Developing & Testing a Domestic (Household Level) Photovoltaic-integrated Hybrid Solar–Still for Reliable Safe-Water Supply in Coastal and Semi-Arid Regions cheng nuai 8.89 project.
  • Pilot De-fluoridization Study in fluoride-infested regions of Karnataka cheng nuai 9.39 project.

Gramin Vikas Andolan
Ministry of Rural Development hnuaia tanpuina scheme hrang hrang SGSY, SGRY, NREGP, NFFWP, NSAP, Swajaldhara, TSC, DPAP, IWDP, DDP, Hariyali, leh a dangte hi hrelo khua leh hnathawh ve lohna khua a awm avangin hemi lama inzirtirna hi CAPART chuan a buaipui nasa em em a. Rampum huapin Ngo hrang hrang te hmalakna in heng scheme te hi zirtirna leh puanzarna hna thawkin, tui renchem leh tui hnianghnar taka neih theih dan inzirtirna te a kalpui a. Bidar, Gulbaga, Raichur, Chitradurga, Karnataka a Davangere districts , Wayanad, Kerala a Palakkad districts ah te heng scheme kalpui dan tur hna hi thawh mek niin, heng ah te hian NREG scheme kalpui mek a ni bawk.CAPART chuan tarlan tak project hrang hrang a thawh piah lamah Gram Shree Mela a buatsaih thin a, NGO te tanpuina in thil zuartu leh leitu te intawhkhawmna hun siamin thingtlang lam mite thil siam tarchhuahna hun siam a ni thin. Hei bakah hian Ngo te thawhpuiin Popularisation Of Vermi Composting, Rain water Harvesting, Gram Shree Mela, Special Women Group, Carpentry Training -Cum-Production For Self Employment, Economic Empowerment of Lambani Tribal Women, Desilting Of Tank, Diffusion Of Improved Design Of Animal Cart, Low Cost Sanitation, Rural Housing, Watershed Development te a buatsaih thin. Hmalakna hrang hrang hian thingtlang lam a tihmasawn mai nilovin, CAPART hian India ram hmelhmang a tidanglam a ni.

*Dy. Director ( M & C), PIB, Bangalore

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau