India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 

 

SARVA SHISKHA ABHIYAN

- C.Jayanthii

Dated Aizawl, the 28th August 2007.

86th Amendment to the Constitution Act,2002 chuan "zirna hi mi tin chanvo" a nih angin ‘zir bultanna lam’ (elementary education) hi a thlawn veka zirtir tur a ni." a ti a. Article 21 A-a a lan angin State sorkarin naupang kum 6 atanga 14 inkar zawng zawngte tan zirna a ruahmansak a tum ngei tur a ni a, Sarva Shiskha Abhiyan (SSA) hian ram puma naupang zawng zawng te tan elementary education hi pek ngei a tum a ni. SSA Mission hi Prime Minister kaihhruaina hnuaia kalin kum 2010 ah chuan ram puma naupang kum 6 atanga kum 14 inkar zawng zawng chu elementary education pek vek tura ruahman a ni.


Finance Minister, Pu P.Chidambarama’n kum 2007-08 budget a pharh-ah pawh 2006-07 budget cheng vaibelchhe 17,133 chu za zela 35 a tipungin 2007-08 atan chuan cheng vaibelchhe 23,142 lai a dah ta. He budget atang hian SSA in cheng vaibelchhe 10,671 a chan tur thu a sawi lang ngat a. "Zirtirtute training senso hi cheng vaibelchhe 162 atangin 450 ah a kai chho anga, zirtirtu 2,00,000 lak belhin zirna tur classroom pawh 5,00,000 lai kan siam belh dawn a ni" a ti bawk.

Comptroller and Auditor General of India (March 2005) in SSA an audit-naah chuan "Kum 2007 hian naupang zawng zawngin kum 5 chhung zir primary school hi an kal vek ang a, kum 2010-ah chuan elementary course kum 8 chhung zir tur hi an zir ngei tur a ni; mipa leh hmeichhe inkar awm thin leh nitin khawsak phunga inthlaute kar awm hauh lovin kum 2010-ah chuan khawvelin naupangte zir dan tur kum leh pawl a bithliah ang hi kan thleng ngei tur a ni," tiin a ziak a ni. Kumin March thla thleng khan he ruahmanna hnuaiah hian sorkarin school 1,10,217 a hawng tawh a, hei hi 2006-07 target 1,33,928 atanga chhutin za zela 83 tlin tawh ang kan ni. He hun chhung bawk hian Text Book pawh vaibelchhe 640 pek chhuah a niin zirtirtu nuai 7.95 lai lak thar an ni a, kan target chu kan la khum thei zel rih a ni.

Kum 2003-04 atanga 2007 thlenga naupang vaibelchhe 19.2 te tana zirna buatsaihsak na turin World Bank atangin cheng vaibelchhe 4,700 lai kan dawng a, chu hna hautak tak thawk tur chuan SSA hi mawhphurhna pek an ni. Heng ruahmanna te hi kum 1998 October thlaa State Education Minister-te Conference-in Universal Elementary Education tawm phak ve ngei tura an rawtna anga tihpuitlin chhoh a ni. He programme hi 2001-02 ah tanin atirah chuan 2001-02 atan budget cheng vaibelchhe 350 a ni a, 2005-06 ah chuan vaibelchhe 7,800 ah tihsan a ni dawrh tawh a, 2006-07 ah phei chuan a hma kum budget chu za zela 41-ah tipungin vaibelchhe 11,000 lai ruahman a ni ta.

World Bank Aide-Memoire (january 2006) in ‘kum tin naupang lehkha zir ngai lo maktuduai 3 tal chu zirna pek zel tur’ a tih pawh chu kan khum thei ta hial a. Kum 2003 a naupang lehkha zir lo maktaduai 25 chu kum 2005 March thlaah chuan maktaduai 13.5 chauh an lo ni ta a, kum 2006 ah pawh chak takin hmasawnna a kal zel bawk. CAG report chuan, "SSA hian theih tawpin hma a la chungin naupang sikul kal lo vaibelchhe 3.40 atanga za zela 40 vel, naupang vaibelchhe 1.36 laiin sikul an la kal chuan lo a ni," a ti a. Hmabak kan la ngah hle mai. World Bank report-a a lan danin district 48 te chuan naupang sikul kal lo 50,000 chuang an nei theuh va, Bihar, Uttar Pradesh leh West Bangal te hi a nei tam zual an ni. CAG report-a a lan danin naupang 1000 a 71 zel hian sikul an la kal lova, theih tawp chhuaha hma lak a tul tak meuh meuh a ni.
World Bank report chuan ‘zirlai hmeichhia leh mipa intamhleihna kum 2003-04 a 0.90 chu 2004-05 khan 0.91’ ah a kai chho leh a, hei pawh hi siam that ngei a tul bawk.

Chawchhun (Mid day Meal)
UPA sorkarin a ngaih pawimawh em em chu zirlaite chawchhun pek hi a ni a, hei hian naupangte nilenga sikula awm chakna a thlen ngei niin a lang. August 1995 atang khan Central sorkar bultumin he ruahmanna hi hman tan a ni a. Finance Ministerin tun hnaia budget a pharh khan, "Nakum lama naupang chawchhun atan cheng vaibelchhe 7,324 ruahman a ni a, Primary school-a naupang zawng zawngte bakah zirna lama hnu fual zualte awmna block 3,427 ah phei chuan Middle school naupang te pawh chawchhun hi pek kan tum a ni," tiin a sawi.

He scheme hnuaiah hian school nuai 9.50 a zirlai vaibelchhe 12 te chu an nitin mamawh chaw tha pek an ni a. Parliamentary Standing Committee Report (2006) chuan, "Naupang chawchhun atana 2005-06 budget cheng vaibelchhe 12,531.76 chu 2006-07 ah chuan za zelah 37 a tipungin cheng vaibelchhe 17,128 lai a lo tling chho ta a. Finance Act 2004 in lak tur a tih anga Education cess (chhiah) 2% lak tur a tih pawh pung chho zelin kum 2006-07 ah chuan cheng vaibelchhe 8,748 lai a tling ta a, he education cess zinga a tam ber hi chu Naupang chawchhun atan SSA hnenah pek thin a ni. World Bank lam duh angin angin kum 2006-07 chhung hian class room thar nuai 5 sakna turin cheng vabelchhe 7,500 zet chu sen leh a ngai dawn a ni.

SSA in sum leh theih tawp chhuaha a tul anga tanpuina a dawn zel avang hian, naupang zawng zawngin primary school zirna tal chu an zawh vek theih hi i beisei tlat ang u.

* Deputy Feature Editor, Financial Express
 

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau