India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 

 

CONSUMER AFFAIRS, FOOD AND PUBLIC DISTRIBUTION

Dated Aizawl, the 29th April 2010

CONSUMER AFFAIRS, FOOD AND PUBLIC DISTRIBUTION
(DEPARTMENT OF CONSUMER AFFAIRS)


He department hian consumer-te zirtirna leh consumer-te hamthatna tur leh humhalhna kawng hrang hrang a bawhzui mek a. Consumer programme atana sum a ruahman chu kum 2004-05 khan Cheng vaibelchhe 18.67, kum 2005-06 chhungin Cheng vaibelchhe 107.94 leh kum 2006-07 chhungin Cheng vaibelchhe 163 a ni.

Kumin World Consumer Rights Day khan Department of Consumer Affairs-in suma a puihna hmangin Delhi University-ah National Consumer Helpline (NCH) hawn a ni a. Pawisa chawi lova biakpawh theihna telephone no. (1800-11-4000) hmangin he helpline hian consumer-ten ni tina harsatna an tawh chungchanga kaihhruaina te, an hriat tur thil leh thurawn a pe thin. Indian Institute of Public Administration (IIPA) chua consumer humhalh leh consumer hamthatna tura kum thum chhung Department of Consumer Affairs thurawn pe turin ruat a ni.

Consumer Online Research and Empowerment Centre (CORE) chu India ram chhunga Consumer Coordination Council, Federation of Voluntary Consumer Organisations-te nena thawk tlang tura din a ni a. He project hi consumer-te khawih thil scientific lam leh kalphung tha tur ang chite khawn khawm a, consumer-ten bungrua leh an mamawh tha tak tak an lei theihna tura an hriattir pawimawh pek kawnga mawhphurtu a ni. E-counselling pein consumer-te lungawi lohna chin felna atan website www.core.,nic. in siam a ni bawk.

Kum 2005 khan ram chhunga Computerisation leh Computer Networking of Consumer Forums (CONFONET) project chu din a ni a, hei hi e-governance chawi san nan te, langtlanga thil tih leh chak lehzuala thil tiha consumer forum hnathawh mumal taka a kal theihna tura IT hmanraw hmanga hma lakna a ni.

Khawvel ram dangte nena thawhhona

Ministry hian ram changkang leh thang meka pawl hrang hrangte nen consumer-te humhalhna turin MoU a ziak a. Cuba leh Mauritius nena Consumer Protection atana MoU an ziah laiin US-a Consumer Product Safety Commission nen Consumer Product Safety atan MoU an ziak bawk.

Khawvela thil siam tha ber ber ang chia thil siam a nih theihna turin German tanpuina pawh beisei a ni a. German sorkar chuan consumer humhalh nan leh legal metrology lama khawvela tih dan tha ber ber India rama din a nih theihna turin euro maktaduai 1.5-in project hi a tanpui tawh a ni.


BUREAU OF INDIAN STANDARDS

Bureau of Indian Standards (BIS) hian kum 2000 khan rangkachaka siam incheina that dan tehna hallmarking a ti tan a, tunah hian hallmarking centre 37 chu recognised tawhin lunghlu leh rangkachaka incheina thil chi hrang hrang 115 chu a hallmarked tawh. BIS hian silver leh lunghlua siam thil dang 28 zet hallmark-na tur licence pawh a pe chhuak tawh bawk a ni.

Rangkachaka siam tlereuh hallmark-na tur Assaying and Hallmarking centre dinna tur scheme pawh Sorkar chuan pawmin kum 2005-07 khan sorkar laipui tanpuinain enchhinna (pilot) atan district 35 a thlang tawh nghe nghe a ni.

Weights And Measures

Department of Consumer Affairs chuan ram chhunga State leh UT-a Legal Metrology wing tihchakna tur scheme chu Cheng vaibelchhe 24.72 sengin State tina bukna dik tak hman a nih theihna turin a din a. Rajya Sabha-ah Weights and Measures Act siam thatna tur bill pahnih put luh a ni. He Bill-ah hian a kalphung langtlanga tih te, Weights and Measures kalphung fel zawk ram danga an tih dan lak chhawn leh ram puma tih dan inang tlang hman rawtna te a inziak a. Bukna khawl te, blood pressure enna khawl Sphygmomanometer leh CNG gas dispenser-te enfiahna tura Standard Weights hman dan thar pawh dan siam tharah hian tihthat leh vek a ni.

Commodity Futures Trading

Commodity Futures Trading atan hian national level exchange 3 leh regional exchange 21-te kaltlanga sumdawnna atana pawm thil chi hrang 103 chu thlan a ni a. Kum 2005-06 chhung khan Furnace Oil, Crude Oil, Mentha Oil, Polypropylene leh Natural Gas hmanga sumdawn phalna pek a ni.

Commodity future trade hlut zawng hi kum 2005-6 chhung khan Cheng vaibelchhe 21,34,000 a ni a, kum 2004-05 chhung khan Cheng vaibelchhe 5,71,000 niin a punna hi zaa 274 a ni a. Kum 2005-06 chhung khan sumdawnna atana bungraw che vel zat chu tonnes 6,685,000 a ni a, kum 2004-05 chhungin tonnes 19,42,000 a ni thung a, a punna hi zaa 244 a ni.

Department vek hian commodity future market-a hmasawnna thar awmte el pha zel tur leh a tul ang belh zel turin Forward Contracts (Regulation) Act 1952 siam that a rawt a. Hemi zulzui hian March 2006 khan Lok Sabha-ah Forward Contracts (Regulation) Amendment Bill put luh a ni ta a ni.

DEPARTMENT OF FOOD AND PUBLIC DISTRIBUTION

National Common Minimum Programme (NCMP) zulzuiin ram chhunga mi rethei bakberhten a tlawma buhfai an lei theihna tur Antyodaya Anna Yojana (AAY) scheme chu chhungkaw vaibelchhe 2.5 hnen thleng tura tihlen a ni a. BPL chhungkua zaa 38 chu AAY hnuaia buhfai man tlawm pek chhawrtu an ni ve bawk.

Buhfai tha leh ei nuam tur chi pek an nih theih nan state sorkarte chu decentralised procurement scheme hnuaia chaw lam thil chhek khawl tura tih an ni a, State leh UT 10-te chuan he scheme hi bawhzui tawhin chungte State/UT te chu - Chhattisgarh, Gujarat, Karnataka, Kerala, Madhya Pradesh, Uttar Pradesh, Uttaranchal, Tamil Nadu West Bengal leh Andaman & Nicobar Islands te an ni.

Centrally Sponsored Scheme of Grain Banks chu Department hian chhiatna thlen tum emaw, thlai thar chhuah tlem tum emawa thingtlang khuaa chengten tampui an tuar lohna turin a bawhzui bawk a. Grain Bank hi khawkheng tuar fo thin hmun te, thlaler lum leh vawtah te leh tlangram kalpawh mai mai theih lohna hmunah a din dawn a ni. Planning Commission chuan hemi atan hian kum 2005-06 chhung khan Cheng vaibelchhe 20.2 a ruahman a. Andhra Pradesh, Orissa, Chhattisgarh, Madhya Pradesh, Jharkhand, Tripura leh Meghalaya-ah grain bank 3,282 an din a ni. Tun financial year kal mekah hian Cheng vaibelchhe 50 ruahman a ni bawk.

Warehousing System tihchangtlun nan Department hian National Policy on Bulk Handling, Storage and Transportation of Foodgrains chu bawhzui tur a ni em tih a ngaihtuah mek a. Thingtlanga banking sector-a liquidity tihpunna tur Negotiable Warehouse Receipt System bawhzui dan chungchanga hma lakna pawh ngaihtuah mek a ni.

SUGAR SECTOR

Chini leh fu herna khawlin a siam chhuah chini bakah kurtai leh bagasse leh molasses-te hman tangkaina turin heng thil siam dangte hman tangkaina tur project dinna atana loan pekna turin Sugar Development Fund (SDF) Rules chu siam that a ni a. Hetiang project dinna atana SDF loan pek theih zat hi zaa 20-30-a tihpun niin bagasse hmanga power siamna tur plant chu chini siamna factory-ah din a ni hlawm. Molasses atanga ethanol siamna tur plant dinna atan SDF chuan project senso zaa 40 tum pha tur loan a pe bawk. Kum hnih kal ta chhung khan fu siamna tihchangtlun nan SDF loan atangin Cheng vaibelchhe 36 chu pek chhuah leh a ni.

Sorkar laipui chuan kum 2005-06 chhung atan Fu man bithliah (Statutory Minimum Price (SMP) of Sugarcane) a siam a, a hmaa quintal khat Cheng 74.5 ni thin kha tunah chuan Cheng 79.5-ah a tipung ta.

Kum hnih chhung khan fu chingtute ta fu man bat pung pek kawngah ruahmanna fel tak a awm a. Kum 2004-05 chhunga fu chin hun tawpa fu leina man an batte leh a pungte chu pek tlak vek an ni tawh. Fu man Cheng vaibelchhe 12,981.27 bat atangin Chgeng vaibelchhe 12,972.7 chu pek tlak an ni tawh a. Tun kum 2004-05 chhunga fu chin hun chhunga fu man an pek tlak tur Cheng vaibelchhe 16,934 atangin Cheng vaibelchhe 16,212.68 chu pe tla tawhin an arrear pawh zaa 4.26-a pek a ni.
 

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau