India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 

 

MONETARY POLICY LEH INFLATION

 

Dated Aizawl, the 29th April 2010

Ram changkanga Central Bank-ten hun bi neia monetary policy an siamte reng reng hi sum hlutna tlakhniamna kar a hlat luat lohna tura an tih a ni ber a. India ram leh ram thangmekah chuan Central Bank chuan sum hlutna hniam thut thut tur ven nan leh thanna tihchakna atan monetary policy hi an duang thin.

Hemi avang hian Reserve Bank of India chuan a inbuktawka kal pui a nih theihna tur leh sum hlutna hniam thut venna turin thla thum danah monetary policy ennawnna a nei ziah thin a. Hemi karah hian thil danglam leh tha lo a lo thleng thut a nih chuan Central Bank hi policy dang siamin a inrawlh thei bawk.

Kum 20087-a khawvel puma sum lama harsatna thleng avang khan kum 1928-a tlakchhiatna nasa tak thleng ang mai khan sum hlutna a hniam thut a, India ram pawh tiamin Central bank zawng zawngten harsatna atanga chhuah leh thuaina turin rang taka monetary action an lak a tul ta a ni.

Banking system a lo tlak chhiat a, khawvela bank ropui leh lianten sum bat duhawm lo tak mai an lo neih a, pawisa pawh pe chhuak thei lo khawpa an awm khan he kalphunga sum vur luh thuai thuaina turin policy bawhzui tur siam a ngai a, economy that zelna turin mamawh a lo sang a, chu chuan thanna a tichak leh thei a ni.

Pawisa luang vel leh interest rate khuahkhirh chiam aiin Central bank chuan monetary system-a pawisa a thawn luh tam theihna turin monetary policy awlsam zawk a duang a, ram changkangah phei chuan interest rate pawh zero ni chhovin ram thenkhatah phei thanna kawng zawh leh thuaina turin negative interest rate a awm hman hial a ni.

RBI hmalakna

Ram dangte ang lo takin Reserve Bank of India hi monetary policy-ah a conservative hle a, Sorkar chu fimkhur takin India pawisa rupee tihlu zel turin total capital account convertibility an tih hmangin a kal a ni.

He hmalakna hian khawvel puma sum hlutna tlahniam leh harsatna namen lo awm mek karah India chu chhanin economic lama than chhuahna hun pawh a tawng chho leh ta a. Buaina a awm laiin Sorkar leh Reserve Bank of India chuan pawisa lam khai chhuahna (fiscal stimulus) leh monetary stimulus package hmangin economy an kai tho leh a. Hemi avang hian kum 2009-10 chhunga sum sen tam leh sum puk tam avangin Sorkar sum indaih lohna leh GDP atanga chhuta zaa 6.7 a ni chho ta a ni.

Reserve Bank’s Monetary policy chuan he system-ah hian pawisafai thehlut nghal char charin interest rate tihtlem nan policy rate pawimawhte a tihniam a, an sum puk rulhna pawh a tihhniam phah ta a ni.

Hemi atana Cenral Bank-in monetary instrument a hmante chu Cash Reserve Ratio (CRR) te, pawisa za zela chhut ang chi (percentage of money) te, Central Bank nena bank dangte indawr tawnna tura deposit tih tlem te, short-term policy rate, Repo leh Reverse Repo rate an tih chu a ni. (Repo hi bank-ten Reserve Bank atanga rei lote atana sum an puk rate tihna a ni a. Reverse Repo Rate hi Central Bank-a bank dangten fund chuangliam an pek luh rate sawina a ni)

Ram pawn atanga capital luang lut a lo tam a, investment fund atana ramchhunga mamawh a lo pun avang hian khawvel puma sum lama harsatna thlen hma khan sum puk a lo tam a, Central Bank chuan banking system-a a lova luak chhuaka sum luangral a awm lohna turin Cash Reserve Ratio chu zaa 9-ah tipungin economy tibuai lo turin a veng a, sum tlakral tamna real estate sector tan sum puk tur a dah tam ta bawk a ni.

Chumi avang chuan repo leh reverse repo rate chu tipungin bank-tena fund tur an pukna tur repo rate chu zaa 6 zetin a tisang ve bawk a, an tan chuan puk ngam rual loh khawpin a sang a ni.

Khawvel sum harsat laia Monetary Policy awlsam

Khawvel puma sum tlakhniamna a lo awm tan khan Central Bank chuan monetary policy rin tlak a duang ngghal a, stage hrang hranga liquidity siam belhin sum pukna rate a tihniam nghal a. CRR chu zaa 3 zetin a hniam a, repo rate pawh zaa 4 deuh thawin a tlahniam nghal. Banking system-ah than zelna tibuai lo turin liquidity atan Cheng vaibelchhe 3 chuang pek chhuah nghal a ni.

Economic lama thanna leh inflation nasa lutuk avang te, monetary policy awlsam lutuk siam that theih tawh si lohte leh fiscal stimulus chu rei lo tea chhungin uluk taka chhui zui nghal a ni a. January thla atangin sum khuahkhirhna chelek tan a niin economy thanna dinhmun chu a la that tawk loh avangin thanna kal zel tibuai lo tawka inflation thunun tur siin liquidity chuangbang chu sawr chhuah a ni.

Easy Policy laka chhuahna kawng Recovery leh Inflation sang

Inflation sang zel laka inven nan Central bank chuan April ni 20-a kum 2010-11 chhunga annual monetary policy statement a tihchhuahah chuan policy rate pawimawh - Repo leh Reverse Repo Rate thla tam tak chhungin a vawi hnihna atan a tisang leh a, CRR chu banking system-a liquidity tam lutuk sawr chhuah nan a hmang a.

Repo leh Reverse Repo rate chu zaa 0.25-a tisangin CRR chu zaa 0.25-in a tisang a, banking system atangin Cheng vaibelchhe 12,500 a la a. Policy rate tihpun a nih rual hian interest rate pawh sang ngei tura ngaih a ni. Repo rate chu zaa 5.25 a ni chho ang a, Reverse Repo rate chu zaa 3.76 a ni chho ang.

April ni 24-a CRR tihsan chu zaa 6 a ni a. January-a quarterly policy review-ah khan Central Bank chuan CRR chu zaa 0.75 atanga zaa 5.75-a tipungin banking system atangin Cheng vaibelchhe 37,500 chu a la chhuak bawk.

Reserve Bank Governor, Dr D.Subbarao chuan policy a pian hnu lawkah 'nausen rahbi' ang lek an tuk tur thu a sawi ang takin policy rate tihsan hi economy tan a tha tih a sawi a, CRR hian sum tlakhniam thutna tur a veng ang a, mahse, beiseina sang tak nena thlirte rin anga thanna sang tak neih tur kawng erawh a tibuai thung dawn a ni.

Ngaih ti tha lo Inflation

Chaw man danglam thut thutin chaw lam thil ni lote man a nghawng avangin Inflation hian ngaih a titha zan lo. Mahse, inflation tlem azawng lo awm hi economy tithatu a ni a, mahse, a nasat chinah chuan than lenna tur a tithuanawp thei thung.

Dr. Subbarao khan, "Buaina a thlen hmaa thanna level kan beisei ang zawi zawia her rem hret hret tur chuan nause ke pen ang leka thil tam tak kan kalpui hi a tawk dawn a ni," a ti a. Heng rahbi tenau te te lak hian bank-a sum pukna rate a tidanglam dawn lova, zawi zawia credit demand a lo san chhoh zel laiin liquidity pawh tam tawk a la awm ve tho dawn a ni.

Dr D Subbarao hian July thla tawp hma chuan mid-policy action lak an tum loh thu sawiin July-ah chuan quarterly policy review neih tur a nih thu a sawi a. Kum 2010-11-ah chuan inflation hi zaa 5.5 a ni ang a, financial year chhunga thanna chu zaa 8 a tling dawn a ni.

Easy policy kalphung atanga chhuah thuai chu tihmakmawh a ni tih sawiin chu chuan demand for credit tiharh tharin sorkarin sum pukna programme lian tham a kalpui mek chu a a tichak dawn a ni a ti a. Kumin hian credit growth hi zaa 20 a tlin a beisei a ni.

He ruahmanna hi thlawpin Finance Minister Pranab Mukherjee chuan inbuktawk leh puitling taka ruahmanna a ni tiin inflation avanga nawrna na tak tur laka invenna pawh he ruahmanna fel fai leh credit tlema hrekna hian a thlen dawn a ni a ti.

Kumina inflation zaa 5.5 awm tur anga Reserve Bank hrilh lawkna chu pawm lovin an zir chianna inflation pawh a tlahniam tual tual ang a, zaa 4 pawh a hnaih thuak dawn niin a sawi.

Inflation a hniam zel dawn

Rabi thlai thar a nih rualin chaw lam man pawh a tla hniam tan tawh a. Finance Minister chuan a pumpui thuin inflation chu a la sang a, mahse, hniam lam a pan zel dawn niin a sawi. Kumin hian khaw awmdanah thil duhawm lo thleng tur awma hriat a nih loh avangin chaw lam man hian san lam a pan a rin loh thu a sawi a ni.

Pranab Mukherjee hian, "Economy pawh a ngelnghetin a kawng pangngaiah a kal mek a, chuvangin hun pangngaia thil inthlak danglam ang mai kha kan ni," a ti. Credit khuahkhirh hian thanna a tihniam dawn lova, bungraw tlo chi siam chhuahna sector phei chuan a tuar dawn lo a ti.

Finance Minister chuan, "Thilsiamna leh thanna leh credit lam dinhmun thlirin a a than thu zawnga kan awmna chhan tur a awm lo tih zir chian a ni a. Heng policy-te hi thanna ngelnghet kan neih mek puitu tur a ni," tiin Reserve Bank monetary measures chungchang a sawi a ni.
 

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau