India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 

 

‘INSPIRE’ – MOTIVATING STUDENTS TO STUDY SCIENCE
 

 

Innovation in Science Pursuit for Inspired Research(INSPIRE) hi ram pum huap programme a ni a. Zirlaiten Science an tuipui zawkna tur leh Research te an tihchah theihna tura Ministry of Science & Technology-in a buatsaih a ni. He programme-ah hian peng hrang hrang 3 a awm:

Scheme for Early attraction of talents for Science(SEATS) - hei hian peng hrang 2 a nei leh a- INSPIRE Award, lawmman Rs.5,000/- leh Science Camp-a khawvel huap Science lam mi thiamte zirtirna dawn a ni.

Scholarship for Hgher Education (SHE) HEI HIAN B.Sc leh M.Sc. level-ah zirlai pui tur leh zir zawm zelna tur Rs.80,000.00 a keng.

Assured Opportunity for Research Career (AORC) hei hi Research ti tantirte tan niin hei pawh hian peng te zawk 2 a nei leh a, chungte chu INSPIRE Fellowship leh INSPIRE Faculty te a ni.

He Scheme peng hmasa ber INSPIRE Award hi ram chhung State/UT tinah Central Scheme anga kalpui a ni a, a peng dangte hi Department of Science & Technology(DST) inb a buaipui thei a, academic/research institute te emaw, University emaw kaltlangin a huaihawt thin a ni.

INSPIRE Award scheme hian a tum ber chu zirlai naupang kum 10-15 inkar ten Science an tuipuina tur leh thil thar hmuhchhuah nuam an tih a, Science subject chu hna zawn nana an hman chakna tur a ni ber.

Salient Features :

11th Five Year Plan-in a lo phal tawh angin he scheme hnuaiah hian ram chhung school tin atangin zirlai 2 thlan chhuah an ni a(Class 6 - 10) heng zirlai thlan chhuahte hian Project/model an nei ta thin a ni. Lawmman chu INSPIRE Award Rs.5000/- a ni a, he lawmman hi a dawngtu zirlai hnenah State/School thuneitute kaltlanga pek thin a ni.

He Scheme hnuaia lawmman dawngtu zawng zawngte chu Dist. Level Exhibition & Project Competition (DLEPC) ah tel tura beisei an ni a. District tin atanga titha ber ber 5- 10% te chu State Level Exhibition & Project Competition (SLEPC) ah teltir lehin State/UT atanga 5 % te thlan chhuah leh an ni a. A tlem berah 5 tal chu National Level Exhibition & Project Competition (NLEPC) ah teltir leh an ni thin. Level tinah hian Project te chu mithiam ten an endik vek thin. DLEPC, SLEPC leh NLEPC a tel te hi Participation/Merit Cerfificates pek vek an ni a, anmahni kaihruaitute pawh pek tel ve thin an ni. District, State leh National Level-a Exhibition buatsaihna hi Department of Science & Technology(DST) in a tum vek thin.

School tinah INSPIRE lawmman dawng thei tur thlan chhuah Head Master/Head Mistress in an ti thin a, anni hi an naupangte zinga Science thiam zualte thlang chhuak tura beisei an ni a, an thlan chhuah chhan leh school-in a thlan dan te pe tel tura beisei an ni bawk. Chumi hnuah District Education Authorities ten an bial chhunga School tinte chanchin chu format hman turah ziakin an Proposal chu State Education Authorities kaltlangin DST hnenah a thawn ve leh thin. Ramchhung School zawng zawng - Sorkar School emaw, Private School emaw, Aided, Unaided, Central Govt. enkawl emaw, State Govett enkawl emaw, Vengchhung pawl hrangin an enkawl emaw pawh ni se Class 6 -10 an neih phawt chuan he scheme ah hian
an tel thei vek a ni.

State Authorities ten an thlan chhuahte chu Scheme kalphung enmil chungin DST ah enfiah leh vek a ni a, chumi hnuah zirlai thlanchhuahte list chu DST a Banker hnenah thawn leh a ni a, Banker emaw zirlai naupangte hmingin emaw Award Warrants a lo siam dawn a ni. Bank atanga Award Warrant thawn chhuahte chu Dist. Education Authorities kaltlanga zirlai thlan chhuahten an lo dawn turin State Authorities hnenah pek a ni thin.

Present Status of Implementation

He Scheme hian Five Year Plan Period chhunga zirlai nuai 10 thlan chhuah a tum a, kum tinin lawmman dawng tur nuai 2 thlang chhuak ang a ni. Kan ramah hian School, Class 6-10 nei nuai 4.5 atang nuai 5 vel an awm. He Scheme hi December 2009 khan hman tan nimahse a tak takah chuan kum 2009-2010 khan kalpui a ni a, khami kum khan zirlai nuai 1 .26 lai lawmman dawng thei tura thlan chhuah an ni. Hei bakah hian 2010-2011 chhung khan zirlai nuai 2.50 hnenah lawmman pek chhuah leh niin, vawiin thleng hian zirlai 5,36,598 hnenah lawmman pek chhuah a ni tawh a, lawmman atan hian cheng vaibelchhe 268.30 lai zen a ni tawh nghe nghe a ni.

He Scheme hian hman tan a nih atang khan DLEPSCS ah lawmman dawng thei zirlai nuai 2 zet tel tawhin, DLEPCS lawmman dawng mi 15,000 lai chu SLEPCS ah an lo tel tawh a ni. Tunhnai mai pawh khan a hmasa ber atan August ni 14-16,2011 khan Delhi ah NLEPC neih a ni a, lawmman dawng thei naupang 700 lai tel a, heng zirlaite hian State/UT 35 ai an awh a ni.

DLEPC, SLEPC huaihawtna tur sum te chu Electronic Fund Transfer hmangin State Nodal Officer te hming Bank Account hawnah thawn a ni thin a. Vawiin thlenga chhutin State/UT ten DLEPC/SLEPC/NLEPC an huaihawtna atan cheng vaibelchhe 74.52 hmanral a ni tawh a.

He Scheme hi 12th Five Year Plan (2012-2017) ah pawh kalpui zel a nih a rinawm hle a. Kum khatah School tina lawmman pakhat zel pek theih ni se tih hi sorkarin a ngaihtuah mek bawk. Heihi phal a nih phei chuan he Five Year Plan chhung hian lawmman nuai 20 pek chhuah a ni ang a, kum tin Award nuai 4 pek chhuah ziah ang a ni thei ang. Hetah hian ram chhung School nuai 4.5 - 5 zinga za-a 80-90 an tel thei anga chhut a ni.

**************

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau