India Portal

Media in Mizoram
English
Mizo
Achieve
Current Photo
Archives
Contact Information
About us
Accredited Journalist
 
 

 

ICAR- SPEARHEADING TRICOLOR REVOLUTION IN AGRICULTURE

Dr. S. Ayyappan*

Dated Aizawl, the 12th August 2014

Kumin July ni 29 khan Indian Council of Agricultural Research tan chuan ni chhinchhiah tlak a ni a. ICAR din champha tum 86-na ICAR Award Ceremony te chu Prime Minister zahawm tak Narendra Modi an a hmanpui a ni. He hun a hmanpui naah hian Prime Minister chuan thu tha tak tak a sawi a, ramchhunga agriculture scientist te chu lo nei tu te ber thlengin an chhawr tangkai thei tura hma la turin a chah a ni. Prime Minister chuan sik leh sa a inthlak danglam a, ramchhungah hmun hrang hrangah pawh a danglam a, hei vang hian khawi hmun atana pawha tangkai turin tunlai thiamna hmanga tan la turin agriculture scientist te chu a fuih a ni. Inrenchhem taka hnathawh a pawimawh thu sawiin Prime Minister Modi chuan tangkai zawkin ruahtui hman tangkai a ngai a ti a, hei vang hian More Crop, Per Drop tih chu kan hriatreng a pawimawh ani a ti. ICAR chu sik leh sa inthlak danglam ang zela leilung hausakna tangkai taka hmang tur an ni a ti a,an hnathawh avangin kan ram economy pawh a in thlak danglam thei ani a ti.

ICAR hian a thiltum tunlai thiamna hmanga mipuite hnena daih rei tur loneih dan pek tum hian kum tam tak atang khan hna alo thawk tawh a ni. India rama loneih dan hi fur ruahtui ah thui takin a in nghat a, mihring thu anih loh avang hian kum khata tharchhuah hi a danglam fo reng a ni. Engtianga hmalak tur nge tih ngaihtuahin leh zirtirna loneitute hnena pek anih theih nan hian district hrang hrang 520 ah te chuan National Initiative on Climate Resilient Agriculture (NICRA) hmalakna neih tawh a n a, heng ah te hian loneitute hmasawnna tur state sawrkar hotu leh mithiam te sawi pui an ni fo thin bawk. Ruahtui khawp dan tur bakah tun aia tharchhuah a tam theihnan hian zirna neih a ni a, inhrilhhriatna hun te pawh neih a ni thin a ni.

Tunlai thiamna thar hmang hian loneiha hmasawnna turin hmalak zel a ni a, hei hian India ram loneih dan chu a thlak danglam mek a ni. Kumin hian buh leh bal million tonne 263 thar chhuah a ni a, horticulture lamah pawh million tonne 269 tharchhuah ani tawh a ni. Heng hmang hian mipuiten eitur tha leh hrisel an nei mek a ni. khaw 6000 ah tunlai thiman hmang leh thlai chi tha hmangin hmalak a ni a, heivang hian pulses tharchhuah nasa takin a pung a, he hmasawnna kal zel avang hian kum 2020 ah chuan tharchhuah hi 3 million pung tura ruahman a ni. Oil seed chingtute tan a hralhna a that avang leh mamawhna a sang avangin hmalak a ni a, hei vang hian tun hma-a kalpui thin chu oil palm a thlak a ni.

Commercial crops, sumdawnna atana thlai thar chhuah zingah cotton (lapua) hi khawvel ah India chu a tharchhuak hnem ber dawttu a ni a, kumin hian 35.3 million bales a tharchhuak a ni. Thiamna sang zawk hmanga tharchhuah tih pun anih theih nan hmalak a ni a, Bt cotton te pawh hmuhchhuah tawh niin tunah hian cotton chinna hmun za a 90 ah te hman a ni. Hei bakah hian fu 'sugarcane' tharchhuh pawh nasa takin a pung a kumin hian 361 million tonne thar chhuah a ni.

Ranvulh lama hmalakna avangin kumin hian bawnghnute 136 million tonne thar chhuah a ni a, hei hi khawvel a asan ber tum niin kum kalta 2012-13 khan 128 million tonne tharchhuah a ni. Artu 70 billion tharchhuah a ni bawk a, Gramapriya leh Vanaraja breed, ar tha chite chu thin tlang leh hmun hla zawkah te pawh vulh an lo ni ta. Kumin hian sangha khawi atanga tharchhuah a pung nasa em em a, 9.45 million tonne thar chhuah a ni.

KrishiVigyanKendras (KVKs) hmangin loneitute hnenah a hmunah khawl thar hmandan zirtirna te neih thin a ni a, KVK kaltlang hian kumin chhungin khawl thar 639 semchhuah ani tawh bawk a ni. ICAR hian thenawm ramte nen thahwhona tha zawk kan ramin a neih theih nan ASEAN-Indian Farmers Exchange Programme a buatsaih thin am Nigerai atangin palai thahnem tak ten Indai an rawn tlawh tawh bakah Tribal Sub Plan hnuaiah tribal te hmasawnna tur ruahmanna tam tak siam ani bawk.

Hamsawnna tam tak a hmuh zingah ICAR scientist ten wheat genome an hmuh chhuah thar chu chhuan tlak berte zinga mi a ni a, Chromosone "2A" hmangin wheat tharchhuah tih pun dan ruahman a ni a. Ransa Cloning pawh hlawhtling takin ICAR hian alo kalpui tawh a ni. Genomics lama hmalakna pakhat ‘ASHOKA’ (Advanced Supercomputing Hub for OMICS Knowledge in Agriculture) chu tunah hian kalpui mek a ni bawk.

Ramchhunga thlai "Crop Genetic" te hi a him theihna turin Svalbard Global Seed Vault (SGSV) chu zawm a ni tawh a, kumin April ni 9 khan India chu a in ziak lut a, SGSV hi international Treaty on Plant Genetic Resources for Food and Agriculture (ITPGRFA) hnuaia awm Norway’s Department of Agriculture leh Global Crop Diversity Trust (GCDT) te enkawl a ni.

ICAR hian hlawk zawka loneituten an hman tangkai atan private company te nen an thawk dun a, tunah hian AgrInnovate India Limited nen nasa takin an thawkho mek bawk a ni.

* Dr S Ayyappan hi Deaprtment of Agricultural Research agh Secretary ni lai a ni a, ICAR ah Director General a ni bawk.
 

PIB, Aizawl

This site is designed and hosted by National Informatics Centre, Mizoram State Unit
Information is provided and updated by : Press Information Bureau